19 ព្រះអង្គដកពួកបូជាចារ្យចេញពីតំណែងព្រះអង្គទម្លាក់អ្នកដែលមានអំណាចរឹងមាំ។
20 ព្រះអង្គដកពាក្យសម្ដីចេញពីអ្នកពូកែវោហារព្រះអង្គយកតម្រិះប្រាជ្ញាចេញពីចាស់ព្រឹទ្ធាចារ្យ។
21 ព្រះអង្គធ្វើឲ្យមេដឹកនាំទៅជាថោកទាបហើយដកអំណាចចេញពីអ្នកខ្លាំងពូកែ។
22 ព្រះអង្គយកភាពងងឹតចេញពីទីជម្រៅហើយលើកស្ថានមនុស្សស្លាប់មកដាក់ក្រោមពន្លឺ។
23 ព្រះអង្គធ្វើឲ្យប្រជាជាតិនានាចម្រើនឡើងហើយព្រះអង្គធ្វើឲ្យពួកគេវិនាសទៅវិញព្រះអង្គពង្រីកទឹកដីរបស់ប្រជាជាតិនានាយ៉ាងទូលាយរួចព្រះអង្គកំចាត់កំចាយពួកគេ។
24 ព្រះអង្គដកប្រាជ្ញាចេញពីមេដឹកនាំប្រជាជននៅលើផែនដីហើយឲ្យពួកគេវង្វេងនៅក្នុងទីស្មសានដែលគ្មានច្រកចេញ។
25 ពួកគេដើររាវពពើមនៅក្នុងទីងងឹត គ្មានពន្លឺព្រះអង្គធ្វើឲ្យពួកគេលែងដឹងខុសត្រូវដូចមនុស្សស្រវឹងស្រា។