13 ធ្វើដូច្នេះ លោកដូចជាខឹងនឹងព្រះជាម្ចាស់ហើយពោលពាក្យប្រឆាំងនឹងព្រះអង្គដែរ។
14 តើមនុស្សលោកអាចបរិសុទ្ធដូចម្ដេចកើតតើមនុស្សដែលកើតចេញមកពីស្ត្រីអាចសុចរិតដូចម្ដេចកើត?
15 សូម្បីតែពួកទេវតាដ៏វិសុទ្ធរបស់ព្រះអង្គក៏ព្រះអង្គទុកចិត្តពុំបានហើយសូម្បីតែផ្ទៃមេឃក៏ពុំបរិសុទ្ធនៅចំពោះព្រះភ័ក្ត្រព្រះអង្គទៅហើយ
16 ចំណង់បើមនុស្សដ៏អាក្រក់ គួរស្អប់ខ្ពើមដែលចូលចិត្តអំពើទុច្ចរិតដូចគេផឹកទឹកនោះព្រះអង្គរឹតតែមិនទុកចិត្តទៅទៀត!
17 ឥឡូវនេះ សូមស្ដាប់ខ្ញុំ ខ្ញុំនឹងពន្យល់លោកខ្ញុំនឹងប្រាប់លោកពីការដែលខ្ញុំបានឃើញ
18 គឺសេចក្ដីដែលអ្នកប្រាជ្ញបានទទួលពីដូនតារបស់ពួកគេហើយយកមកថ្លែងប្រាប់ដោយឥតលាក់លៀម។
19 ព្រះជាម្ចាស់ប្រទានទឹកដីឲ្យដូនតារបស់ពួកគេតែប៉ុណ្ណោះគ្មានអ្នកដទៃទៀតមកឡូកឡំក្នុងទឹកដីនោះឡើយ។