12 កងទ័ពរបស់ព្រះអង្គលើកគ្នាមកវាយលុកខ្ញុំពួកគេបោះទ័ពព័ទ្ធជុំវិញលំនៅខ្ញុំ។
13 ព្រះអង្គធ្វើឲ្យបងប្អូនខ្ញុំចេញទៅឆ្ងាយពីខ្ញុំអស់អ្នកដែលធ្លាប់ស្គាល់ខ្ញុំបានក្លាយជាអ្នកដទៃទៅវិញ។
14 សាច់ញាតិរបស់ខ្ញុំនាំគ្នាបោះបង់ចោលខ្ញុំអ្នកជិតស្និទ្ធនឹងខ្ញុំ បានបំភ្លេចខ្ញុំ។
15 ភ្ញៀវរបស់ខ្ញុំ ព្រមទាំងស្រីបម្រើរបស់ខ្ញុំបានចាត់ទុកខ្ញុំដូចជាអ្នកដទៃគេមើលមកខ្ញុំដូចមនុស្សដែលមិនធ្លាប់ស្គាល់។
16 ខ្ញុំស្រែកហៅអ្នកបម្រើរបស់ខ្ញុំតែគេមិនឆ្លើយតបវិញទេទោះបីខ្ញុំទទូចអង្វរហៅយ៉ាងណាក៏ដោយ។
17 ដង្ហើមរបស់ខ្ញុំជះក្លិនអសោចធ្វើឲ្យប្រពន្ធរបស់ខ្ញុំទ្រាំមិនបានបងប្អូនបង្កើតរបស់ខ្ញុំក៏ខ្ពើមខ្ញុំដែរ។
18 សូម្បីតែក្មេងក្មាង ក៏មើលងាយខ្ញុំពេលខ្ញុំងើបឈរឡើងនោះពួកវានាំគ្នានិយាយឡកឡឺយដាក់ខ្ញុំ។