10 គេនឹងប្រគល់ទ្រព្យសម្បត្តិដែលខ្លួនរឹបអូសបានទៅឲ្យម្ចាស់ដើមវិញហើយកូនចៅរបស់គេក៏ត្រូវសងប្រាក់ជនក្រីក្រតទៅមុខទៀត។
11 រូបរាងកាយរបស់គេពោរពេញដោយកម្លាំងរបស់យុវវ័យតែកម្លាំងនេះនឹងរលាយទៅជាធូលីដីជាមួយគេដែរ។
12 ទោះបីអំពើអាក្រក់មានរសជាតិផ្អែមនៅក្នុងមាត់របស់គេទោះបីគេលាក់វានៅក្រោមអណ្ដាត
13 ទោះបីគេខំរក្សាទុក ដោយមិនលេបគឺបៀមទុកនៅក្នុងមាត់ក្ដី
14 គង់តែអាហារនោះរលាយក្លាយដូចជាពិសរបស់ពស់អាសិរពិសនៅក្នុងពោះរបស់គេ។
15 គេបានលេបទ្រព្យសម្បត្តិចូលទៅក្នុងពោះតែគេនឹងក្អួតចេញមកវិញគឺព្រះជាម្ចាស់នឹងហូតយកទ្រព្យសម្បត្តិនោះចេញពីពោះរបស់គេ។
16 គេជញ្ជក់ពិសរបស់ពស់អាសិរពិសគេនឹងត្រូវស្លាប់ដោយពស់វែកចឹក។