11 រូបរាងកាយរបស់គេពោរពេញដោយកម្លាំងរបស់យុវវ័យតែកម្លាំងនេះនឹងរលាយទៅជាធូលីដីជាមួយគេដែរ។
12 ទោះបីអំពើអាក្រក់មានរសជាតិផ្អែមនៅក្នុងមាត់របស់គេទោះបីគេលាក់វានៅក្រោមអណ្ដាត
13 ទោះបីគេខំរក្សាទុក ដោយមិនលេបគឺបៀមទុកនៅក្នុងមាត់ក្ដី
14 គង់តែអាហារនោះរលាយក្លាយដូចជាពិសរបស់ពស់អាសិរពិសនៅក្នុងពោះរបស់គេ។
15 គេបានលេបទ្រព្យសម្បត្តិចូលទៅក្នុងពោះតែគេនឹងក្អួតចេញមកវិញគឺព្រះជាម្ចាស់នឹងហូតយកទ្រព្យសម្បត្តិនោះចេញពីពោះរបស់គេ។
16 គេជញ្ជក់ពិសរបស់ពស់អាសិរពិសគេនឹងត្រូវស្លាប់ដោយពស់វែកចឹក។
17 គេនឹងលែងឃើញទឹកឃ្មុំ និងទឹកដោះគោដ៏សម្បូណ៌ហូរហៀរដូចទឹកជ្រោះ ទឹកទន្លេទៀតហើយ។