1 លោកយ៉ូបឆ្លើយវិញថា៖
2 «សូមអស់លោកត្រងត្រាប់ស្ដាប់ពាក្យដែលខ្ញុំថ្លែងដ្បិតខ្ញុំមិនចង់បានការសម្រាលទុក្ខអ្វីផ្សេងទេ។
3 សូមទ្រាំស្ដាប់ខ្ញុំនិយាយសិនពេលណាខ្ញុំនិយាយចប់ សឹមចំអកឲ្យខ្ញុំ។
4 ខ្ញុំមិនត្អូញត្អែរប្រឆាំងនឹងមនុស្សទេខ្ញុំអត់ធ្មត់មិនបានដូច្នេះ មកពីមានមូលហេតុ។
5 សូមក្រឡេកមើលមកខ្ញុំនោះអស់លោកនឹងស្រឡាំងកាំងហាមាត់និយាយលែងកើត។
6 ពេលណាខ្ញុំនឹកឃើញហេតុការណ៍ដែលកើតមានចំពោះខ្ញុំនោះខ្ញុំក៏ភ័យតក់ស្លុត និងព្រឺសម្បុរ។
7 ហេតុអ្វីបានជាមនុស្សអាក្រក់រស់បានយូរហើយមានកម្លាំងកាន់តែរឹងប៉ឹងឡើងដូច្នេះ?