8 អ្នកទាំងនោះសុទ្ធតែជាមនុស្សមិនដឹងខ្យល់ឥតពូជ ឥតអំបូរហើយត្រូវប្រជាជនដេញចេញពីស្រុក។
9 ប៉ុន្តែ ឥឡូវនេះ ពួកគេបែរជានាំគ្នាច្រៀងឡកឡឺយ និងនិយាយបន្តុះបង្អាប់ខ្ញុំ។
10 ពួកគេខ្ពើមខ្ញុំ ហើយដើរវាងឆ្ងាយពីខ្ញុំពួកគេមិនញញើតនឹងស្ដោះទឹកមាត់ដាក់ខ្ញុំឡើយ។
11 ព្រះជាម្ចាស់ធ្វើឲ្យខ្ញុំធ្លាក់ខ្លួនខ្សោយព្រះអង្គបន្ទាបបន្ថោកខ្ញុំហេតុនេះហើយបានជាពួកគេមើលងាយខ្ញុំតាមចិត្តរបស់ពួកគេ។
12 ជនពាលជាច្រើនប្រហារខ្ញុំពីខាងស្ដាំពួកគេទាត់ជើងខ្ញុំហើយសង្គ្រប់មកលើខ្ញុំ ដើម្បីកម្ទេចខ្ញុំ។
13 ពួកគេឃាំងផ្លូវខ្ញុំ មិនឲ្យរត់រួចពួកគេប្រាថ្នាធ្វើឲ្យខ្ញុំវិនាសដោយមិនបាច់មាននរណាជួយពួកគេឡើយ។
14 ពួកគេលើកគ្នាសម្រុកមកលើខ្ញុំដូចកងទ័ពទម្លុះកំពែងសម្រុកចូលវាយក្រុងមួយ។