12 ខ្ញុំបានផ្ចង់ចិត្តស្ដាប់អស់លោកក៏ប៉ុន្តែ គ្មាននរណាម្នាក់ក្នុងចំណោមអស់លោកជជែកឈ្នះលោកយ៉ូបឬអាចឆ្លើយតបនឹងពាក្យរបស់គាត់វិញសោះ!
13 ហេតុនេះ សូមកុំអះអាងថាអស់លោករកបានប្រាជ្ញានោះឡើយ។មានតែព្រះជាម្ចាស់ប៉ុណ្ណោះដែលអាចតទល់នឹងគាត់បាន គឺមិនមែនមនុស្សទេ។
14 លោកយ៉ូបពុំមានប្រសាសន៍មកកាន់ខ្ញុំផ្ទាល់ទេដូច្នេះ ខ្ញុំនឹងមិនឆ្លើយទៅគាត់វិញតាមរបៀបដែលអស់លោកឆ្លើយនោះឡើយ។
15 លោកយ៉ូបអើយលោកទាំងបីនេះមិនហ៊ានឆ្លើយទៀតទេដ្បិតពួកគាត់រកពាក្យនិយាយពុំបាន។
16 ខ្ញុំរង់ចាំដែរ តែមិនឃើញពួកគាត់និយាយទេដោយពួកគាត់នៅស្ងៀម លែងឆ្លើយដូច្នេះ
17 ខ្ញុំសូមឆ្លើយតបទៅលោកវិញម្ដងខ្ញុំក៏ចង់បង្ហាញចំណេះដឹងរបស់ខ្ញុំដែរ។
18 ខ្ញុំមានសេចក្ដីជាច្រើនដែលចង់និយាយគឺខ្ញុំមិនអាចទប់ចិត្តឲ្យនៅស្ងៀមបានទៀតឡើយ។