14 លោកយ៉ូបអើយសូមត្រងត្រាប់ស្ដាប់សេចក្ដីទាំងនេះសូមនៅស្ងៀម ហើយរិះគិតអំពីស្នាព្រះហស្ដដ៏អស្ចារ្យរបស់ព្រះអង្គ!
15 សូមលោកសង្កេតឲ្យច្បាស់ថាតើព្រះជាម្ចាស់បញ្ជាធម្មជាតិទាំងនោះនិងបញ្ចេញផ្លេកបន្ទោរពីពពករបស់ព្រះអង្គតាមរបៀបណា?
16 តើលោកដឹងឬទេថា ពពករក្សាលំនឹងនៅក្នុងអាកាសវេហាស៍ ដោយរបៀបណា?ទាល់តែអ្នកមានប្រាជ្ញាប្រសើរឥតខ្ចោះទើបសម្រេចការអស្ចារ្យបែបនេះបាន។
17 ពេលធាតុអាកាសហប់ដោយសារខ្យល់ក្ដៅបក់មកពីទិសខាងត្បូងនោះលោកក៏ក្ដៅស្អុះស្អាប់ទៅហើយ
18 ដូច្នេះ តើលោកអាចជួយព្រះជាម្ចាស់ដើម្បីលាតសន្ធឹងអាកាសវេហាស៍ដែលរឹងដូចកញ្ចក់ដ៏ភ្លឺរលើបបានដែរឬ?
19 សូមប្រាប់ឲ្យយើងដឹងអំពីសេចក្ដីដែលយើងត្រូវទូលព្រះអង្គផងយើងមិនដឹងជាត្រូវថ្លែងដូចម្ដេចទេព្រោះយើងជាមនុស្សល្ងិតល្ងង់។
20 ខ្ញុំមិនចង់និយាយទៅកាន់ព្រះអង្គទេដ្បិតខ្ញុំមិនចង់ហុចឱកាសឲ្យព្រះអង្គបំផ្លាញខ្ញុំ។