19 តើអ្នកឬដែលផ្ដល់កម្លាំងឲ្យសេះ?តើអ្នកឬដែលធ្វើឲ្យមានសក់ដ៏វែងអន្លាយដុះនៅលើកញ្ចឹងករបស់វា?
20 តើអ្នកឬដែលធ្វើឲ្យវាចេះលោតដូចកណ្ដូបនិងមានសម្រែកគួរឲ្យញាប់ញ័រ?
21 វាបោលនៅតាមជ្រលងភ្នំហើយបញ្ចេញកម្លាំង សម្រុកទៅរកសមរភូមិ។
22 វាមិនចេះភ័យខ្លាច ឬតក់ស្លុតហើយមិនរាថយនៅចំពោះមុខដាវឡើយ។
23 សំឡេងបំពង់ព្រួញ សន្ធឹកលំពែងនិងស្ន លាន់ឮនៅលើខ្លួនវា។
24 វាលោត វាកញ្ជ្រោល វាបោះពួយទៅមុខហើយពេលឮគេផ្លុំស្នែងវាពុំអាចនៅស្ងៀមបានទេ។
25 កាលណាឮគេផ្លុំស្នែង វាស្រែកឡើងវាស្រង់ក្លិនចំបាំងពីចម្ងាយហើយក៏ស្គាល់សំឡេងរបស់មេទ័ពនិងសម្រែកប្រកាសសឹកដែរ។