7 «ចូររៀបចំខ្លួនឲ្យបានដូចមនុស្សអង់អាចយើងនឹងសួរអ្នកហើយអ្នកត្រូវតែឆ្លើយឲ្យយើងដឹងផង!
8 តើអ្នកពិតជាចង់ចោទថា យើងមិនយុត្តិធម៌ហើយអ្នកចង់ថ្កោលទោសយើងដើម្បីបង្ហាញថាអ្នកជាមនុស្សសុចរិតឬ?
9 តើអ្នកមានឫទ្ធិបារមីដូចព្រះជាម្ចាស់ហើយមានសំឡេងដូចផ្គរលាន់ដែលជាព្រះសូរសៀងរបស់ព្រះអង្គឬ?
10 តើអ្នកមានភាពថ្កុំថ្កើង និងភាពឧត្តុង្គឧត្ដមហើយពោរពេញទៅពន្លឺរស្មីដ៏រុងរឿងដូចព្រះជាម្ចាស់ឬ?
11 ចូរក្រឡេកមើលមនុស្សមានអំនួតហើយជះកំហឹងដ៏ខ្លាំងក្លារបស់អ្នកលើពួកគេនិងបន្ទាបពួកគេទាំងអស់គ្នាទៅ។
12 ចូរក្រឡេកមើលមនុស្សមានអំនួតហើយបន្ថោកពួកគេទាំងអស់គ្នា!ចូរជាន់ឈ្លីមនុស្សអាក្រក់នៅនឹងកន្លែងទៅ។
13 ចូរយកពួកគេទៅកប់នៅក្នុងធូលីដីជាមួយគ្នាចូរឃុំពួកគេទុកក្នុងរណ្ដៅងងឹត។