8 ប្រសិនបើខ្ញុំមានទុក្ខដូចលោកវិញខ្ញុំនឹងស្រែកអង្វរព្រះជាម្ចាស់ខ្ញុំលើកយករឿងហេតុរបស់ខ្ញុំមកទូលថ្វាយព្រះអង្គ។
9 ព្រះអង្គធ្វើការដ៏អស្ចារ្យ រកស្វែងយល់មិនបានស្នាព្រះហស្ដដ៏អស្ចារ្យរបស់ព្រះអង្គមានចំនួនច្រើនឥតគណនា។
10 ព្រះអង្គធ្វើឲ្យភ្លៀងបង្អុរមកលើផែនដីនិងប្រទានឲ្យមានទឹកស្រោចស្រពស្រែចម្ការ។
11 ព្រះអង្គលើកមនុស្សទន់ទាបឡើងហើយជួយសង្គ្រោះអ្នកដែលកាន់ទុក្ខ។
12 ព្រះអង្គរំលាយគម្រោងការមនុស្សមានល្បិចមិនឲ្យគេសម្រេចគម្រោងការរបស់ខ្លួនបានឡើយ។
13 ព្រះអង្គធ្វើឲ្យអ្នកប្រាជ្ញធ្លាក់ក្នុងល្បិចកិច្ចកលរបស់ខ្លួនហើយធ្វើឲ្យយោបល់ដ៏ប៉ិនប្រសប់របស់ពួកគេ ប្រែជាឥតបានការ។
14 នៅពេលថ្ងៃ ពួកគេជំពប់ជើងដូចដើរនៅពេលយប់ងងឹតហើយពួកគេដើរស្ទាបៗនៅកណ្ដាលថ្ងៃត្រង់ដូចដើរនៅពេលយប់ដែរ។