24 ‘Ua fa‘alogo Mose i le tamā o lana avā, ‘ua ia faia fo‘i o mea uma lava na ia fai mai ai.
25 ‘Ona filifili lea e Mose o tagata loto tetele, mai Isaraelu uma, ‘ua ia tu‘uina atu i latou e pule i le nu‘u, o ali‘i o ta‘ito‘aafe, ma ali‘i o ta‘ito‘aselau, ma ali‘i o ta‘ito‘alimagafulu, ma ali‘i o ta‘ito‘atinoagafulu.
26 ‘Ua latou fa‘amasino atu fo‘i i le nu‘u i aso uma lava; o mea faigatā ‘ua latou avane ‘iā Mose, a o mea mama uma, ‘ua latou fa‘amasinoina e i latou.
27 ‘Ona tu‘uina atu lea e Mose le tamā o lana avā e alu; ‘ona alu atu lea o ia i lona lava nu‘u.