13 ‘E te faia fo‘i ta‘ai auro.
14 E lua fo‘i filifili auro lelei ‘e te faia ia tutusa i le galuega fa‘afilifili u‘amea, ‘ia fa‘amauina, fo‘i o filifili auro i ta‘ai.
15 ‘E te faia fo‘i le ufifatafata o le fa‘amasinoga i le galuega a le tufuga poto, e pei o le galuega i le efota ‘e te fai ai; ‘e te faia i le auro, ma le ‘ie uli, ma le pāuli, ma le mūmū, ma le ‘ie vavae ‘ua milo ona manoa.
16 E faia fa‘atafafā ma fa‘asautualua; o le aga lona umi, o le aga fo‘i lona lau.
17 ‘E te tu‘uina fo‘i i tu‘ugāma‘a o atu ma‘a e fa; o le ulua‘i atu ma‘a, o le salikea, ma le topasi, ma le pereketa, o le atu ma‘a muamua lea.
18 O lona atu lua, o le nofeka, ma le safaira, ma le ialoma.
19 O lona atu tolu fo‘i, o le lesema, ma le sevo, ma le aselama.