40 O ‘ie puipui o le lotoā, o ona pou ma ona lago, ma le ‘ie puipui mo le faitoto‘a o le lotoā, o ona maea ma ona fa‘amau; ‘atoa ma mea uma lava e fai a‘i le sauniga o le malumalu mo le fale fetāfa‘i o le fa‘apotopotoga.
41 O ‘ie o mea e fai a‘i le tapua‘iga i le mea pa‘ia, ‘atoa ma ‘ofu pa‘ia mo le ositaulaga o Arona, ma ‘ofu o ona atali‘i e fai ai le faiva o ositaulaga.
42 ‘Ua faia e le fānauga a Isaraelu le galuega uma lava, a pei o mea uma na poloa‘i mai ai le ALI‘I ‘iā Mose.
43 ‘Ona va‘ava‘ai lea o Mose i le galuega uma lava; fa‘auta lava, ‘ua latou faia e pei ‘ona poloa‘i mai ai o le ALI‘I, ‘ua fa‘apea lava ‘ona latou faia; ‘ona fa‘amanuia lea o i latou e Mose.