1 ‘Ua fa‘aali mai le ALI‘I ‘iā te ia i aluna o Mamere, a o nofo o ia i le faitoto‘a o lona fale ‘ie i le aoauli.
2 ‘Ua tepa a‘e fo‘i o ia ma iloa atu, fa‘auta fo‘i, o lo‘o tutū mai ‘iā te ia tagata o to‘atolu; ‘ua ia iloa atu, ‘ona momo‘e atu ai lea nai le faitoto‘a o lona fale ‘ie e fa‘afetaia‘i ‘iā te i latou, ‘ona ifo to‘ele lea o ia.
3 ‘Ua fa‘apea atu fo‘i o ia, “Le ali‘i e, ‘āfai ‘ua alofaina mai nei a‘u e oe, ‘aua ne‘i e maliu loa ‘iā te a‘u lau ‘au‘auna;
4 se‘i ‘aumaia sina vai e mulumulu ai o ‘outou vae, ma ‘outou mālōlō i lalo o le la‘au.