1 O gafa nei o Esau, o Etoma fo‘i ia.
2 Na fai ana avā e Esau, o fafine Kanana; o Ata le afafine o Ailona o lo sa Hetī, ma Alipama le tamafafine a Ena, le afafine ia o Sepeono o lo sa Hivī;
3 ma Pasemeta le afafine o Isamaeli, le tuafafine o Nepaiota.
4 ‘Ua fānau mai o Ata ‘iā Esau, o Elifasa; ‘ua fānau mai fo‘i Pasemeta o Reuelu.
5 ‘Ua fānau Alipama o, Iuso ma Ialama ma Kara; o atali‘i ia o Esau na fānau ‘iā te ia i le nu‘u o Kanana.
6 ‘Ua ‘ave e Esau ana avā ma ona atali‘i ma ona afafine ma tagata uma o lona ‘āiga, ma ana lafu, ma ana manu uma, ‘atoa ma ana mea uma ‘ua ia maua i le nu‘u o Kanana, ‘ua ia alu atu i le tasi nu‘u ai lona uso o Iakopo;
7 auā ‘ua tele a la mea e lē mafai ‘ona nonofo fa‘atasi i lā‘ua; ‘ua lē mafai fo‘i ‘ona la mau fa‘atasi i le nu‘u ‘ua la āumau ai, ‘ona o le tele o a la manu.
8 ‘Ua nofo Esau i le mauga o Seira; o Esau o Etoma lava lea.
9 O gafa nei o Esau le tupuga o Etoma i le mauga o Seira,
10 o igoa nei o atali‘i o Esau; o Elifasa le tama a Ata le avā a Esau; o Reuelu le tama a Pasemeta le avā a Esau
11 o atali‘i nei o Elifasa; o Timanu, o Amara, o Sefo, ma Katamo, ma Kinasa;
12 o Timena sa fai o ia ma palake ‘iā Elifasa le atali‘i o Esau; na fānau o ia ‘iā Elifasa, o Amaleka; o tama lava ia a Ata le avā a Esau.
13 O atali‘i nei o Reuelu; Nakata ma Sera, o Sama ma Misa; o i latou nei o tama a Pasemeta le avā a Esau.
14 O i latou nei o tama a Alipama le tamafafine a Ena, le afafine o Sepeono, le avā a Esau, na fānau o ia ‘iā Esau, o Iuso, ma Iālama, ma Kara.
15 O matai i latou nei, o atali‘i o Esau; o atali‘i o Elifasa le ulumatua a Esau, o le matai o Timanu, o le matai o Amara, o le matai o Sefo, o le matai o Kinasa,
16 o le matai o Kara, o le matai o Katamo, o le matai o Amaleka; o i latou nei o matai o sa Elifasā i le nu‘u o Etoma, o i latou nei o tama a Ata.
17 O i latou nei o atali‘i o Reuelu le atali‘i o Esau; o le matai o Nakata, o le matai o Sera, o le matai o Sama, o le matai o Misa; o i latou nei o matai o sa Reuelū i le nu‘u o Etoma, o i latou nei o tama a Pasemeta le avā a Esau.
18 O i latou nei o tama a Alipama le avā a Esau; o le matai o Iuso, o le matai o Ialama, o le matai o Kara, o matai i latou nei o fānau a Alipama le tamafafine a Ena, le avā a Esau
19 o i latou nei o atali‘i o Esau, o i latou nei fo‘i o latou matai; o Etoma fo‘i ia.
20 O i latou nei o atali‘i o Seira, o lo sa Horī, sa nonofo ai i le nu‘u; o Lotana ma Sovala ma Sepeono ma Ena,
21 ma Tisono, ma Eseri, ma Tisano, o i latou ia o matai o sa Horī, o atali‘i o Seira i le nu‘u o Etoma.
22 O i latou nei o atali‘i o Lotana; o Hori ma Aimamu; o le tuafafine o Lotana o Timena ia.
23 O i latou nei o atali‘i o Sovala; o Aluana ma Manaka ma Epalu, o Sefo, ma Onama.
24 O i latou nei o atali‘i o Sepeono, o Aia ‘atoa ma Ena; o Ena lea ‘ua maua iamina i le vao ‘ina o fafaga e ia o asini a Sepeono lona tamā.
25 O lā‘ua nei o fānau a Ena; o Tisono ma Alipama le afafine o Ena.
26 O i latou nei o atali‘i o Tisono; o Amatana, ma Esepana, ma Itirana, ma Karana.
27 O i latou nei o atali‘i o Eseri; o Pileana, ma Savana, ma Akana.
28 O i lā‘ua nei o atali‘i o Tisano; o Usa ma Arana.
29 O i latou nei o matai o sa Horī, o le matai o Lotana, o le matai o Sovala, o le matai o Sepeono, o le matai o Ena,
30 o le matai o Tisono, o le matai Eseri, o le matai o Tisano; o i latou ia o matai o sa Horī, e ta‘itasi o i latou ma lona matai i le nu‘u o Seira.
31 O i latou nei o tupu sa fai ma tupu i le nu‘u o Etoma, a o leai se tupu i le fānauga a Isaraelu.
32 Sa fai ma tupu i Etoma o Pala o le atali‘i o Peora; o le igoa o lona ‘a‘ai o Tineava.
33 ‘Ua oti Pala, ‘ona soloa‘i ane lea o Iopapa le atali‘i o Sera o le Posara e fai ma tupu.
34 ‘Ua oti Iopapa, ‘ona soloa‘i ane lea o Kusamu mai le nu‘u o sa Timanū e fai ma tupu.
35 ‘Ua oti Kusamu, ‘ona soloa‘i ane lea o Atata le atali‘i o Petata e fai ma tupu; o ia na fasi ia Mitiana i le nu‘u o Moapi; o le igoa o lona ‘a‘ai o Avita.
36 ‘Ua oti Atata, ‘ona soloa‘i ane lea o Samelu o le Maseraka e fai ma tupu.
37 ‘Ua oti Samelu, ‘ona soloa‘i ane lea o Saulo o le Reopo i tala ane o le vaitafe e fai ma tupu.
38 ‘Ua oti Saulo, ‘ona soloa‘i ane lea o Paalaanana le atali‘i o Akapora e fai ma tupu.
39 ‘Ua oti Paalaanana le atali‘i o Akapora, ‘ona soloa‘i ane lea o Atara e fai ma tupu; o le igoa o lona ‘a‘ai o Pagu, o le igoa o lana avā o Meatapala le tama fafine a Matarata, le tama fafine ‘iā a Maisaava.
40 O igoa nei o matai o sa Esaū, e ta‘itasi o i latou ma lona itū‘āiga e ta‘itasi fo‘i ma lona nu‘u i o latou lava igoa; o le matai o Timena, o le matai o Aleva, o le matai o Ieteta,
41 o le matai o Alipama, o le matai o Ele, o le matai o Pinona,
42 o le matai o Kinasa, o le matai o Timanu, o le matai o Mepesara,
43 o le matai o Maketialu, o le matai o Irama; o i latou ia o matai o Etoma, e ta‘itasi ma lona nu‘u e nofo ai na maua mo i latou; o ia o Esau le tupuga o sa Etomā.