1 ‘Ua asiasi le ALI‘I ‘iā Sara e pei ‘ona ia fetalai mai, ‘ua faia fo‘i e le ALI‘I ‘iā Sara e pei ‘ona ia fetalai mai.
2 ‘Ua tō fo‘i Sara, ‘ua fānau e ia se atali‘i mo Aperaamo, ‘ina o toeaina o ia, i ona lava po sa fetalai mai ai le Atua ‘iā te ia.
3 ‘Ua fa‘aigoa fo‘i e Aperaamo lona atali‘i na fānau ai ‘iā te ia, o lē na fānau mai e Sara ‘iā te ia, o Isaako.
4 ‘Ua peritomeina fo‘i e Aperaamo lona atali‘i o Isaako i lona aso valu, pei ‘ona poloa‘i mai o le Atua ‘iā te ia.
5 O le selau o tausaga o Aperaamo na fānau ai lona atali‘i o Isaako.