20 Sa i ai le Atua i le tama; ‘ua tupu fo‘i o ia, ‘ua ia mau fo‘i i le vao ma ‘ua ‘avea ma tagata fanafana u.
21 Sa mau fo‘i o ia i le vao o Parana; ‘ua ‘aumai fo‘i e lona tinā se avā ma ia mai le nu‘u o Aikupito.
22 O ona po ia na fai mai ai Apimeleko ma Fikolu, o le ali‘i e pule i ana ‘au, ‘iā Aperaamo, ‘ua fa‘apea mai, “‘Ua ‘iā te oe le Atua i mea uma ‘e te faia.
23 O lenei, ‘ia e tautō mai ‘i‘inei ‘iā te a‘u i le Atua, ‘e te lē pepelo mai ‘iā te a‘u, po o lo‘u atali‘i, po o le atali‘i o lo‘u atali‘i; a ‘ia pei o lo‘u alofa atu ‘iā te oe, ‘ia e fa‘apea mai fo‘i ‘iā te a‘u, ‘atoa ma le nu‘u ‘ua e āumau ai.”
24 ‘Ona tali atu lea o Aperaamo, “‘Ou te tautō lava.”
25 ‘Ua a‘oa‘i atu fo‘i Aperaamo ‘iā Apimeleko ‘ona o le vai‘eli, na fao e ‘au‘auna a Apimeleko.
26 ‘Ona fa‘apea mai lea o Apimeleko, “‘Ou te lē iloa po o ai ‘ua na faia lenā mea; na lē ta‘u mai fo‘i ‘iā te a‘u, o a‘u nei fo‘i, ‘ou te fa‘ato‘ā fa‘alogo i ai i le asō.”