23 O lenei, ‘ia e tautō mai ‘i‘inei ‘iā te a‘u i le Atua, ‘e te lē pepelo mai ‘iā te a‘u, po o lo‘u atali‘i, po o le atali‘i o lo‘u atali‘i; a ‘ia pei o lo‘u alofa atu ‘iā te oe, ‘ia e fa‘apea mai fo‘i ‘iā te a‘u, ‘atoa ma le nu‘u ‘ua e āumau ai.”
24 ‘Ona tali atu lea o Aperaamo, “‘Ou te tautō lava.”
25 ‘Ua a‘oa‘i atu fo‘i Aperaamo ‘iā Apimeleko ‘ona o le vai‘eli, na fao e ‘au‘auna a Apimeleko.
26 ‘Ona fa‘apea mai lea o Apimeleko, “‘Ou te lē iloa po o ai ‘ua na faia lenā mea; na lē ta‘u mai fo‘i ‘iā te a‘u, o a‘u nei fo‘i, ‘ou te fa‘ato‘ā fa‘alogo i ai i le asō.”
27 ‘Ona ‘ave lea e Aperaamo o mamoe ma povi ma foa‘i atu ma Apimeleko; ‘ona la osia lea o la la feagaiga.
28 ‘Ua vavae ‘ese e Aperaamo o tama‘i mamoe fafine e fitu.
29 ‘Ona fai mai lea o Apimeleko ‘iā Aperaamo, “E fa‘apefea na tama‘i mamoe fafine e fitu ‘ua e vavae ‘ese?”