19 ‘Ua ia fa‘aigoa lea mea o Peteli, sa mua‘i fa‘aigoaina lea ‘a‘ai o Lusa.
20 ‘Ona faia lea e Iakopo lana tautō, ‘ua fa‘apea atu, “‘Āfai e ‘iā te a‘u le Atua ma tausi ‘iā te a‘u i lenei ala ‘ou te alu ai, ma foa‘i mai mea e ‘ai ‘ou te ‘ai ai ma ‘ofu ‘ou te ‘ofu ai,
21 ‘ina ‘ia ‘ou toe fo‘i ma le manuia i le ‘āiga o lo‘u tamā, ‘ona fai ai lea o le ALI‘I mo‘u Atua.
22 O lenei ma‘a fo‘i, ‘ua ‘ou fa‘atūina ma fa‘ailoga, e fai lea ma fale o le Atua; o mea uma fo‘i ‘e te foa‘i mai ‘iā te a‘u ‘ou te avatu lava ‘iā te oe mea e sefulua‘i.”