17 ‘Ua alu atu fo‘i Iakopo i Sukota, ‘ua fai ai fo‘i lona fale, ‘ua fai ai fo‘i fale apitaga o ana manu; o le mea lea na fa‘aigoaina ai lea mea o Sukota.
18 ‘Ua saogalemū atu fo‘i Iakopo i le ‘a‘ai o Sekema, o i le nu‘u o Kanana lea, ‘ina ‘ua sau o ia mai Patanarama; ‘ua ia fa‘atūina fo‘i lona fale ‘ie i luma o le ‘a‘ai.
19 ‘Ua ia fa‘atau fo‘i se fasi fanua i le mea sa fa‘atūina ai e ia lona fale ‘ie, nai le fānauga a Hamoro, le tamā o Sekema, i ni tupe e selau.
20 ‘Ua ia fa‘atūina fo‘i i lea mea le fatafaitaulaga ‘ua ia fa‘aigoa ai fo‘i o Eleloiisaraelu.