14 Kwintlango yeSinayi *uNdikhoyo wathi kuMosis:
15 “Babale abaLevi ngokwezindlu nemizi yabo; ubhalise bonke abangamadoda, ukuqalela kubudala obuyinyanga enye nangaphezulu.”
16 Ke uMosis wayenza le nto.
17-20 ULevi ke wayenoonyana abathathu: uGershon, uKohati, noMerari. Ngabo ookhokho bezi zindlu zibizwa ngabo. UGershon yena waba noonyana ababini: uLibheni noShimeyi. Bona abakaKohati babebane: uAmram, uIzare, uHebron, noUziyeli. AbakwaMerari ke bona babebabini: uMali noMushi. Bona bangookhokho bezi zindlu zibizwa ngabo.
21 Indlu kaGershon ke imi ngemizi kaLibheni noShimeyi.
22 Bebonke ke abangamadoda ababudala buyinyanga nangaphezulu abâbhaliswáyo babengamawaka asixhenxe anamakhulu amahlanu.
23 Le ke yona indlu yema ngasentshona, ngasemva *kwesibingelelo.