22 А сега, еве, врзан во Духот, одам во Ерусалим не знаејќи што ќе ми се случи во него.
23 Освен што Светиот Дух ми сведочи, во секој град, велејќи дека ме чекаат окови и маки.
24 Но мене ни најмалку не ми е за душата; само да го завршам радосно својот пат и службата, која ја примив од Господа Исуса: да го посведочам потполно Евангелието на Божјата благодат.
25 И еве, сега знам дека сите вие, меѓу кои поминав проповедајќи го Царството Божјо, не ќе го видите веќе моето лице.
26 Затоа ви сведочам во овој ден дека сум чист од крвта на сите вас;
27 зашто не пропуштив да ви ја соопштам целокупната Божја намера.
28 Внимавајте на себе и на целото стадо, во кое Светиот Дух ве постави за надгледувачи, за да ја пасете Божјата Црква, која Тој ја придоби со Својата крв.