4 А Петар, заедно со Јован, се вгледа во него и му рече: „Погледај нè!”
5 Меѓутоа тој внимаваше на нив, чекајќи само да добие нешто од нив.
6 Но Петар му рече: „Немам ни сребро ни злато, но што имам, тоа ти давам: во името на Исуса Христа Назареецот стани и оди!”
7 Тогаш го фати за десната рака и го исправи, а нему веднаш му зацврснаа стапалата и глуждовите, па
8 скокна, се исправи и прооди; и со нив влезе во Храмот, скокајќи и фалејќи Го Бога.
9 Така целиот народ го виде како оди и Го фали Бога.
10 И го препознаа дека е тоа оној, кој седеше пред Красната Врата на Храмот поради милостина, и се исполнија со восхит и беа вон себе заради она, што му се случи.