10 Jikelele ke kwaSirayeli umzi wakhe uya kwaziwa njengomzi ondoda ikhululelwe isihlangu.”
11 “Ukuba amadoda amabini ayalwa, aze umfazi wenye azame ukuncedisa indoda yakhe ngokubamba le ilwa nayo ngobudoda,
12 sukumenzela nceba, mnqumle isandla.
13-14 “Xa usebenzisa isilinganiso sukwenza buqhophololo mayela nobunzima nobungakanani. Izilinganiso zakho mazibe zezizizo ngalo lonke ixesha.
15 Sisebenzise ngokunyaniseka isilinganiso, khon' ukuze uhlale ithuba elide kwelo lizwe akunika lona uNdikhoyo uThixo wakho.
16 Kaloku banezothe kuNdikhoyo abantu abanobuqhophololo.
17 “Ungaze uyilibale into enayenziwa ngama-Amaleki ngokuya nanivela eJiputa.