4 Myfi a osodais fy mhabell yn yr uchelderau,ac y mae fy ngorsedd mewn colofn o gwmwl.
5 Amgylchais gylch y nefoedd fy hunan,a thramwyais y dyfnderau diwaelod.
6 Ar donnau'r môr ac ar yr holl ddaear,ac ar bob pobl a chenedl, enillais feddiant.
7 Ymhlith y rhain i gyd ceisiais orffwysfa;yn nhiriogaeth p'run ohonynt y gwnawn fy nhrigfan?
8 Yna rhoes Creawdwr y cyfanfyd orchymyn imi;gosododd fy Nghrëwr fy mhabell yn ei lle.‘Gosod,’ meddai, ‘dy babell yn Jacob,a myn dy etifeddiaeth yn Israel.’
9 O'r dechreuad, cyn bod y byd, y creodd fi,a hyd y diwedd ni bydd darfod arnaf ddim.
10 Yn y tabernacl sanctaidd bûm yn gweini ger ei fron,ac felly fe'm sefydlwyd yn Seion.