Isaia
Le mataupu 12:1-5
O LE TUSI PA'IA - Ekalesia Katoliko Roma
1O lea aso fo‘i ‘e te fa‘apea mai ai:Le ALI‘I e, ‘ou te vivi‘i atu ‘iā te oe, auā sa e to‘atama‘i ‘iā te a‘u,a ‘ua mavae lou to‘asā, ma ‘ua e fa‘amatalaloto mai ‘iā te a‘u.
2Fa‘auta, o le Atua, o lo‘u fa‘aolataga ia;‘ou te fa‘atuatua, ‘ou te lē fefe.Auā o le ALI‘I le ATUA, o lo‘u malosi ia ma la‘u pese;‘ua ‘avea fo‘i o ia mo‘u fa‘aolataga.
3Tou te utu vai ma le ‘oli‘olii vaipuna o le fa‘aolataga.
4O lea aso fo‘i tou te fa‘apea atu ai:‘Ia ‘outou vivi‘i atu i le ALI‘I,‘inā vala‘au atu ia i lona suafa.‘Ia ‘outou fa‘ailoa atu i nu‘u o ana galuega;‘ia ‘outou ta‘uta‘u atu ‘ua vi‘ia lona suafa.
5Pepese atu ia i le ALI‘I, auā ‘ua faia e ia mea silisili ‘ese;‘inā fa‘ailoa atu ia o lea mea i le lalolagi uma.