1 Auā e alofa le ALI‘I ‘iā Iakopo, na te toe filifilia fo‘i Isaraelu, ma fa‘anofofilemūina i latou i lo latou lau‘ele‘ele; e fa‘aopoopo mai fo‘i tagata ‘ese ‘iā te i latou, latou te fa‘atasi mai lava i le ‘āiga o Iakopo.
2 E ‘ave fo‘i i latou e nu‘u ma latou fa‘ao‘o ‘iā te i latou i lo latou nu‘u; e fai fo‘i ia nu‘u e le ‘āiga o Isaraelu mo latou i le lau‘ele‘ele o le ALI‘I, e fai ma ‘au‘auna tane ma ‘au‘auna fafine; latou te fai fo‘i ma tagata o tau‘a o i latou sa faia i latou ma tagata o tau‘a, latou te pule fo‘i i ē sa fa‘asauā ‘iā te i latou.
3 O le aso fo‘i e fa‘afilemūina ai oe e le ALI‘I i lou tigā ma lou atuatuvale ma lau galuega mamafa sa ē faia,
4 ‘e te sauni ai lenei fa‘ata‘oto i le tupu o Papelonia ma e fa‘apea atu:Auē! ‘ua mavae atu o lē na fa‘asauā,‘ua mavae atu lē na fao auro.
5 ‘Ua gauia e le ALI‘I le sasa a ē amio leaga,o le to‘oto‘o o ē na pule.
6 O lē na taia nu‘u i le ita tele, o le ta e lē aunoa,o lē na pule i nu‘u ‘ese i le ita ma le sauā na lē vaoia.
7 ‘Ua mapu le lalolagi uma,‘ua filemū lava ‘ua latou ‘alalaga ma le fiafia.
8 O perosi fo‘i ‘ua ‘oli‘oli ‘ona o oe,‘atoa ma arasi o Lepanona, o lo‘o fa‘apea,“Talu ‘ona e ta‘oto‘ua lē alu a‘e ‘iā te i matou sē ta la‘au.”
9 O seoli i lalō ‘ua fa‘agae‘etia ‘ona o oe,e fa‘afetaia‘i ‘iā te oe i lou alu atu;‘ua lagaina ‘ona o agaga o ē ‘ua oti,o ali‘i sili uma o le lalolagi;e fa‘atula‘iina tupu uma o nu‘u ‘esei o latou nofoāli‘i.
10 O i latou uma latou te tautala atuma fa‘apea atu ‘iā te oe:“O oe fo‘i ‘ua e vaivai ‘ea e pei o i matou?‘Ua ‘avea ‘ea oe e tutusa ma i matou?”
11 ‘Ua fa‘ao‘o ifo i seoli lou fa‘alialiama le leo o au napeli;‘ua folasia ilo i lalo ‘iā te oe,‘ua fai fo‘i anufe mou ‘ie ‘afu.
12 ‘Oi! ‘ua fa‘apea ‘ona pa‘ū mai le lagio oe lē ‘ua pupula le atali‘i o le taeao;‘ua taia oe i lalo i le ‘ele‘ele,o oe sa fa‘ato‘ilaloina nu‘u ‘ese.
13 O oe fo‘i sa ē fa‘apea ifo i lou loto,“‘Ou te alu a‘e i le lagi,‘ou te si‘itia i luga lo‘u nofoāli‘i ia sili i fetū a le Atua,‘ou te nofo fo‘i i le mauga o le fa‘apotopotoga i le itū i matū.
14 ‘Ou te alu a‘e i luga o mea maualuluga i luga a‘e o ao;ma te tutusa ma lē Silisili‘ese.”
15 A ‘ua ‘aveina ifo oei seoli i itū o le lua.
16 O i latou o ē va‘ai ‘iā te oe latou te pulato‘a ‘iā te oe,latou te mafaufau ‘iā te oe ma fa‘apea ane:“O le tagata ‘ea lenei sa fa‘agateteina le lalolagi,sa na lūlūina mālō?
17 O lē na faia ma vao le atu laulauma na fa‘atafunaina ‘a‘ai sa i ai;sa na lē tu‘uina atu ona tagata o tau‘ae ō i o latou ‘āiga?”
18 O tupu uma o nu‘u, o i latou uma lava,latou te ta‘o‘oto ma le mamalu,ta‘itasi i lona fale lauasi.
19 A o oe, ‘ua lafoa‘iina oe, ‘ua leai sou tu‘ugamau,e pei o se tātupu ‘ua ‘inosia;‘ua ufitia i ē ‘ua fasia, ‘ua tutu‘i i latou i le pelu,o ē ‘ua ō ifo i ma‘a o le lua,e pei o se tino oti ‘ua solia.
20 E lē fa‘atasia oe ma i latou i le tu‘ugamau,auā ‘ua e fa‘aumatia lou lau‘ele‘ele,‘ua e fasiotia lou nu‘u;e lē ta‘ua lava e fa‘avavau le fānau ‘ae amio leaga.
21 ‘Ia ‘outou sauni le fasiga o lana fānau‘ona o le agasala a o latou mātua;‘ina ne‘i latou tutū i luga ma fai mo latou le nu‘uma latou fa‘atumuina le fogā‘ele‘ele uma i ‘a‘ai.
22 O lo‘o fa‘apea mai le ALI‘I o ‘au: ‘Ou te tu i luga e tau ma i latou; ‘ou te tineia fo‘i i Papelonia o le igoa, ma ē o totoe, o le atali‘i ‘atoa ma le atali‘i o lona atali‘i, o lo‘o fetalai mai ai le ALI‘I.
23 ‘Ou te faia fo‘i ia ma mea e nofo ai le kifota ma vailepa; ‘ou te matuā tafitafi fo‘i i le tafi e fa‘aumatia a‘i, o lo‘o fetalai mai ai le ALI‘I o ‘au.
24 ‘Ua tautō le ALI‘I o ‘au, o lo‘o fa‘apea mai:E moni, e pei ‘ona ‘ou manatu e fa‘apea lava ‘ona taunu‘u,e pei ‘ona a‘u pule e fa‘apea lava ‘ona fa‘atumauina;
25 ‘ina ‘ia tu‘imomomoina Asuria i lo‘u lau‘ele‘ele,ma ‘ou soli ‘iā te i latou i luga i o‘u mauga;‘ona mavae atu ai lea o a latou amo ‘iā te i latou,ma a latou avega fo‘i e mavae atu ia i o latou fuātāua.
26 O le pule lenei ‘ua pule ai o ia i le lalolagi uma,o le lima fo‘i lenei ‘ua fa‘aloaloaina atu i nu‘u ‘ese uma.
27 Auā o le ALI‘I o ‘au ‘ua pule o ia,o ai ‘ea sē na te fa‘alēaogāina?O lona ‘a‘ao ‘ua fa‘aloaloaina atu,o ai ‘ea se na te fa‘afoisia?
28 O le tausaga na maliu ai le tupu o Aasa, na o‘o mai ai lenei avega.
29 Filisitia ‘atoa e,‘aua ‘e te ‘oli‘oli oe ‘ina ‘ua gauia le to‘oto‘o sa taia ai oe;auā o le tino o le gata e tupu mai ai le gata uogo,o lana tama fo‘i, o le gata lele lea.
30 E ‘a‘ai fo‘i ulumatua a ē ‘ua matitiva,o ē le tagolima fo‘i latou te ta‘o‘oto ma le filemū;‘ou te fa‘amateina fo‘i lou pogai i le oge,o ē ‘ua totoe ‘iā te oe e fasia i latou e ia.
31 Le faitoto‘a e, ‘inā uiō ia;le ‘a‘ai e, ‘inā ‘alaga ia;Filisitia ‘atoa e, ‘ua matuā fa‘avaivaia oe;auā ‘ua sau le asu mai le itū i matū,e leai fo‘i se te‘a ‘ese i lana itūtau‘a.
32 Se a fo‘i se tali i sāvali a nu‘u ‘ese?“‘Ua fa‘avaeina Siona e le ALI‘I,e sulusulufa‘i fo‘i i ai ē ‘ua tigāina i lona nu‘u.”#