1 ‘Oi talofa i le paleali‘i e fa‘amaualuga o ē ‘onā o Efaraima,‘atoa ma le fuga ‘ua mamae o lo latou matagofie e fa‘amananaia ai i latou,o lē ‘ua i le ulu o le vanu lafulemū, o i latou o ē ‘ua faia‘ina i le uaina.
2 Fa‘auta, o lo‘o i le Ali‘i le ‘ua malosi ma le loto tele,e pei o le afā o le timu to‘a, o le afā fulifaō,e pei o le tafe o vai tetele ‘ua oso,na te lafotūina ma le malosi i le ‘ele‘ele.
3 E solia i vae le paleali‘i e fa‘amaualugao ē ‘onā o Efaraima;
4 o le fuga fo‘i e mamae o lo latou matagofie e fa‘amananaia ai i latou,o lē ‘ua i le ulu o le vanu lafulemū,e ‘avea ia e pei o mati ‘ua mua‘i otatāa o le‘i o‘o i le tausaga vevela;‘ua iloa ai e lē ‘ua va‘ai atu i ai,a maua i lona lima, ‘ona folo loa lea.
5 O lea aso e ‘avea ai le ALI‘I o ‘auma paleali‘i e matagofiema pale lālelei i ē ‘ua totoe o lona nu‘u;
6 e ‘avea fo‘i ma atamai e fa‘amasino ai i lē nofo e fai le fa‘amasinoga,e ‘avea fo‘i ma malosi, i ē o fa‘afoisia le tau‘a i le faitoto‘a.
7 ‘Ae peita‘i o i latou, ‘ua sesē i latou i le uaina;‘ua fesēsēa‘i i le ‘ava; ‘ua sesē le ositaulaga ma le perofeta i le ‘ava;‘ua faia‘ina i latou i le uaina, ‘ua fesēsēa‘i latou i le ‘ava;‘ua sesē lo latou va‘ai, ‘ua latou tautevateva i le fa‘amasinoga.
8 Auā ‘ua tūtūmu la‘o‘ai uma i pua‘iga ma otaota,e leai lava se mea ‘ua sao.
9 “Na te a‘oa‘o atu ‘ea ‘iā te ai i le poto?Na te fa‘ailoa ‘ea ‘iā te ai le tala?O ē ‘ua te‘a ma le suāsusu,‘ua fa‘ate‘aina lava ma le susu.
10 Auā o lo‘o i ai le ‘upu ma le ‘upu,o le ‘upu ma le ‘upu;o le vavao ma le vavao,o le vavao ma le vavao;o sina mea itiiti ‘i‘inei ma sina mea itiiti ‘i‘inā.”
11 Auā e tautala atu o ia i lenei nu‘ui ‘upu e le matala ma le gagana ‘ese.
12 Na ia fai atu fo‘i ‘iā te i latou,“O le mālōlōga lenei;‘ia ‘outou avatua le mālōlōga i ē ‘ua lailoa;o le mālōlōga fo‘i lenei;”a ‘ua latou lē mafafai ‘ona fa‘alogo mai.
13 E i ai fo‘i le afioga a le ALI‘I ‘iā te i latou,“O le ‘upu ma le ‘upu, o le ‘upu ma le ‘upu;o le vavao ma le vavao, o le vavao ma le vavao;o sina mea itiiti ‘i‘inei ma sina mea itiiti ‘i‘inā;”‘ina ‘ia latou sāvavali ma pa‘u‘ū taliagama ‘ia momomo, ‘ia maileia fo‘i ma ‘ia maua i latou.
14 O le mea lea ‘ia ‘outou fa‘alogologo mai ai i le afioga a le ALI‘I,‘outou tagata fa‘atauemu, o ē pule i lenei nu‘u o lo‘o i Ierusalema;
15 auā ‘ua ‘outou fa‘apea mai, “‘Ua osia la matou feagaiga ma le oti;‘ua fai fo‘i la matou feagaiga ma seoli;a ui ane le sasa e lofia ai,e lē o‘o mai lea ‘iā te i matou;auā ‘ua matou faia le pepelo mo matou malu;‘ua matou lalafi fo‘i i tala ‘o‘ole.”
16 O lenei, o lo‘o fa‘apea ‘ona fetalai mai o le Ali‘i le ATUA,Fa‘auta, ‘ou te tu‘uina i Siona le ma‘a e fai ma fa‘avae;o le ma‘a ‘ua uma ona fa‘ata‘ita‘iina,o le ma‘a tulimanu tāua,o le fa‘avae ‘ua mau;“O lē fa‘atuatua ‘iā te ia e le popole lava ia.”
17 ‘Ou te faia le fa‘amasinoga ‘ia fa‘atatauina i le fua fa‘ata‘oto,‘ou te faia fo‘i amiotonu ‘ia fa‘atatauina i le fua fa‘atautau;e tāfea le mālū o le tala pepelo i le uato‘a,e lofia fo‘i le lafitaga i le vai.
18 E fa‘ai‘uvaleina la ‘outou feagaiga ma le oti,e lē tumau fo‘i la ‘outou feagaiga ma seoli;a ui ane le sasa e lofia ai, ‘ona solia ai lea ‘outou e ia.
19 A ui ane ia, ‘ona ‘avea ai lea ‘outou;auā e ui ane ia i lea taeao ma lea taeao,i le ao ‘atoa ma le po;a lagona na o le tala e matuā atuatuvale ai.
20 Auā e pu‘upu‘u le moega e lē mafai e se tasi ona fa‘aloloa ai o ia;e lauitiiti le ‘ie ‘afu e lē mafai ‘ona pulupulu ai o ia.
21 Auā e tula‘i atu le ALI‘I e pei ‘ona faia i le mauga o Faresa,e to‘asā fo‘i o ia e pei ‘ona fai i le vanu o Kipeona,‘ina ‘ia faia lana mea e fai, ‘ua ‘ese lava;‘ina ‘ia faia fo‘i lana galuega,o lana galuega ‘ese lava.
22 O lenei, ‘aua tou te fa‘atauemu‘ina ne‘i atili ai ‘ona fa‘amauina o ‘outou noanoaga;auā o le fa‘aumatiaga ‘ua pulea,‘ua ‘ou fa‘alogo ai mai le Ali‘i le ATUA o ‘au,e o‘o i le lalolagi uma lava.
23 ‘Inā ua‘i mai ia o ‘outou taliga ma fa‘alogo mai i lo‘u leo;‘inā fa‘asaga mai ia ‘outou ma fa‘alogo mai la‘u ‘upu.
24 ‘Ua galue ‘ea i le suōtosina i aso uma lavalē ‘ua galue i le suōtosina ‘ina ‘ia lūlū ai saito?‘Ua suatia ‘ea e ia ma fa‘amalūlūina lona fanua?
25 A uma ‘ona fa‘alauleleia e ia le ‘ele‘ele,e le sa‘alu‘uina ‘ea e ia le kisekama lūlūsoloina le kumina ma totōina le saito fa‘aatusoloma le karite i le mea e totō ai ma le kaseme i lona tuā‘oi?
26 Auā ‘ua a‘oa‘o lona Atua ‘iā te ia i le tonu,‘ua ia a‘oa‘o lava ‘iā te ia.
27 Auā e le solia le kiseka i le mea e soli ai saito,e le fa‘ata‘amilo fo‘i i luga o le kuminale mea e ta‘avalevale a‘i le fata fa‘ata‘avalevale;a ‘ua sasaina le kiseka i le sasa,‘ua sasaina fo‘i le kumina i le to‘oto‘o.
28 E nutilili‘i le saito; ‘ae lē solia pea lava e ia,pe toso ane i ai le mea e ta‘avalevale a‘i le fata fa‘ata‘avalevale;e le nutilili‘ia fo‘i e ana solofanua.
29 E ala mai lava lea mea mai le ALI‘I o ‘au;e ma‘eu lona fa‘autauta,e sili lava lona poto.