1 ‘Ua fano lē ‘ua amiotonu,‘ae leai sē mafaufau i ai.‘Ua ‘ave‘eseina fo‘i tagata alolofa,a ‘ua leai sē mānatunatu‘ua ‘ave‘eseina lē ‘ua amiotonu ai le leaga.
2 E ulu atu o ia i le filemū,latou te mālōlō i o latou moega,o i latou ia o ē sāvavali ma le tonu.
3 A o ‘outou, ‘inā fa‘alatalata mai ia ‘i‘inei,o ‘outou tama a le fafine ‘i‘ite i ao,o le fānau a le mulilua ma le fafine talitane.
4 Tou te fa‘atauemu ‘ea ‘iā te ai?E fa‘amaga o ‘outou gutu ‘iā te ai tou te fa‘aeto mai o ‘outou laulaufaiva ‘iā te ai?E lē o le fānau fouvale ‘ea ‘outou?O le fānau e pepelo?
5 O lo‘o fa‘atupu le mana‘o i atuai lalo o la‘au uma e tauluulu ola;o lo‘o fasioti le fānau i alia i lalo o maluapapa.
6 O ma‘a lamolemole o le alia o lou vaega lea,o ia lava e fai mou tofi.‘Ua e liligi atu ai lava le taulaga i mea e inu,‘ua e avatu fo‘i le taulaga i mea e ‘ai.‘Ou te loto malie ‘ea ‘ona o ia mea?
7 ‘Ua e tu‘uina lou moegai le mauga maualuga ma le tele;‘ua e alu a‘e fo‘i i ai e fai taulaga.
8 ‘Ua e tu‘uina lau fa‘amanatugai tua o le puipui ma le pou o le faitoto‘a.Auā ‘ua e fa‘aali oe i le tasi ‘ae lē o a‘u;‘ua e alu a‘e; ‘ua e fa‘alauteleina lou moega.‘Ua e faia se feagaiga ma i latou;‘ua e mana‘o i lo latou moega,‘ua e filifilia le mea e tu‘u ai.
9 ‘Ua e alu atu i le tupu ma le u‘u,‘ua e fa‘ateleina ou u‘u manogi.‘Ua e tu‘uina atu ou sāvali i mea mamaoma ‘ua e fa‘aleaga oe ‘iā te oe e o‘o ifo i seoli.
10 ‘Ua lailoa oe i le mamao o lou ala;‘ua e lē fai ane, “E lē aogā;”‘Ua e maua le malosi o lou lima,o le mea lea ‘ua e lē fa‘avaivai ai.
11 Na e atuatuvale ‘iā te ai ma e mata‘u,‘ina ‘ua e pepelo ma e lē manatua a‘u,ma e lē mafaufau?Na a‘u lē fa‘alologo ‘ea mai anamuā lava?a ‘ua e lē mata‘u ‘iā te a‘u.
12 ‘Ou te fa‘aali atu lau amiotonu ma au galuega;e lē aogā fo‘i ia mea ‘iā te oe.
13 A e ‘alaga, ‘ia lavea‘i āu aofaga ‘iā te oe;e si‘itia i latou uma e le matagi,e ‘avea i le mānava.A o lē ‘ua fa‘atuatua ‘iā te a‘ue maua e ia le nu‘u e fai mōna tofi lo‘u mauga pa‘ia.
14 E fai ane fo‘i se tasi,“Fa‘alaulelei, ‘inā fa‘alaulelei ia, teu ia le ala,‘ia ‘outou ‘ave‘eseina mea e tausuai ai i le ala o lo‘u nu‘u.”
15 Auā o lo‘o fa‘apea ‘ona fetalai mai o lē ‘ua Maualuga ma ‘ua Silisili,o lē afio e fa‘avavau, e pa‘ia lona suafa:‘Ou te nofo i le mea maualuga ma le pa‘ia,ma te nonofo fo‘i ma lē ‘ua momomoma ‘ua maulalo lona loto.E fa‘amafanafana i ē ‘ua loto maulaloma fa‘amafanafanaina loto o ē ‘ua loto momomo.
16 Auā ‘ou te lē finau e fa‘avavau,‘ou te lē ita pea lava pea.Auā e fa‘avaivai le loto i o‘u luma,o agaga fo‘i na a‘u faia.
17 O le agasala o lona matape‘ape‘a na ‘ou ita ai,na ‘ou taia fo‘i o ia; na ‘ou lafi, ma ‘ou ita.Auā na savali o ia ma le finau valei le ala o lona lava loto.
18 ‘Ua ‘ou iloa ona ala ‘ou te fa‘amālōlō fo‘i ‘iā te ia;‘ou te ta‘ita‘iina o ia.‘Ou te toe avatu fo‘i fa‘amafanafanaga ‘iā te ia,ma ē ‘ua fa‘anoanoa fa‘atasi ma ia.
19 O lo‘o ‘ou faia le fua o laugutu,O le filemū, o le filemū i lē ‘ua mamao,‘atoa ma lē ‘ua lata mai,‘ua fetalai mai ai le ALI‘I;‘ou te fa‘amālōlōina fo‘i o ia.
20 A o ē amio leaga e tusa i latou ma le sami ‘ua sousou,e lē mafai ‘ona to‘a filemū.‘Ae lafoia a‘e e le suāsami le ‘ele‘ele ma le palapala.
21 ‘Ua fetalai mai lo‘u Atua:E leai se filemū i ē amio leaga.#