1 ‘Ua punou Pele, ‘ua ifo Nepo,‘ua i manu ma manu ‘ave avega a latou tupua;o a ‘outou avega ‘ua fa‘ae‘etia ia,o le avega lea i manu ‘ua tigāina.
2 ‘Ua latou ifo, ‘ua punonou fa‘atasi,‘ua latou lē mafai ‘ona lavea‘iina o le avega.A o i latou lava, ‘ua latou ō i le tāfeaga.
3 Fa‘alogo mai ia ‘iā te a‘u,‘outou le ‘āiga, o Iakopo,ma ‘outou uma o ē ‘ua totoe o le ‘āiga o Isaraelu,O ē ‘ua tau‘ave e a‘u talu ‘ina fānau mai i le manava;‘ua si‘itia e a‘u talu ‘inā fānau mai.
4 E o‘o ‘ina e toeaina, o a‘u lava o ia,e o‘o fo‘i ‘ina ulusinā.O a‘u lava ‘ou te tau‘ave ‘iā te oe;o a‘u na ‘ou faia, ‘ou te si‘itia fo‘i,‘ou te tau‘ave, ma ‘ou lavea‘iina oe.
5 Po o ai ‘ea tou te fa‘atusa i ai a‘u;pe fa‘agatusa ma a‘u,pe fa‘atatau ‘iā te a‘u ‘ina ‘ia ma tutusa?
6 ‘Ua latou so‘ona sasa‘a mai le auro mai le taga,‘ua latou fuatia le ario i le fua fa‘atautau.‘Ua latou avatu le ‘oloa i lē fai mea u‘amea,na te faia se atua, latou te ifo faō i ai, latou te tapua‘i lava i ai.
7 Latou te si‘itia o ia i o latou tau‘au,‘ua latou amo ‘iā te ia.‘Ua latou tu‘uina o ia i lana mea e tu‘u ai,‘ona tu ai lea o ia, e lē alu ‘ese o ia a‘i lona tulaga.E ‘alaga lava se tasi ‘iā te ia, ‘ae lē tali mai o ia;na te lē fa‘aolaina o ia i lona puapuagā.
8 ‘Ia ‘outou mānatunatu i lenei mea,ma ‘ia ‘outou amio i amio a tagata;‘ia mafaufau i ai ‘outou o ē solitulafono.
9 ‘Ia ‘outou mānatunatu i mea muamua talu mai le vavau;auā o a‘u o le Atua, e leai lava se tasi;o le Atua, e leai se ma te tutusa.
10 O lo‘o fa‘aali talu mai le amataga o mea e mulimuli;mai anamua fo‘i o mea ‘ua lē faia;o lo‘o fai ane, “E tu la‘u pule, ‘ou te faia fo‘imea uma ‘ou te loto i ai.”
11 O lo‘o vala‘au i le manulele e fe‘ai mai sasa‘e;o le tagata mai le nu‘u mamao ‘ua ‘ou tofia.Na ‘ou fai atu ai, ‘ou te fa‘ao‘oina ai lava;na ‘ou fuafuatia, ‘ou te faia lava.
12 Fa‘alogo mai ia, ‘outou o ē loto fa‘afinauvale,o ē ‘ua mamao ma se amiotonu.
13 ‘Ua ‘ou ‘aumaia la‘u amiotonu,e le mamao ia;e le fa‘atuai fo‘i la‘u fa‘aolataga.‘Ou te avatu la‘u fa‘aolataga i Sionamo Isaraelu o lē e vi‘ia ai a‘u.