1 E! ‘ia e sasae le lagi ma ‘ia e afio ifo,‘ia gatete fo‘i mauga i ou luma.
2 E pei o le afi e fa‘amū a‘i la‘au iti,o le afi e pupuna a‘i le vai,e fa‘ailoa atu lou suafa i ē ita ‘iā te oe;e gatete nu‘u ‘ese i ou luma.
3 Na e faia mea mata‘utia sa lē manatua e i matou;na e afio ifo, sa tafe ifo mauga i ou luma.
4 Talu mai le vavau e le‘i fa‘alogo,e le‘i lagona e taliga.E le‘i va‘aia e mata se tasi atua ‘ua na o oe,na te faia mea lelei mo lē ‘ua fa‘amoemoe ‘iā te ia.
5 Lua te fetaia‘i ma lē ‘ua ‘oli‘oli ma lē ‘ua faia le amiotonu;o ē manatua oe i ou ala.Fa‘auta, ‘ua e to‘asā, auā ‘ua agasala i matou;o i ai le fa‘avavau, e fa‘aolaina fo‘i i matou.
6 O i matou nei e tusa ma le mea leaga i matou uma;o a matou amiotonu uma e tusa ia ma le ‘ie o le ma‘i.‘Ua mamae i matou uma e pei o le lau la‘au,o a matou amioletonu e pei se matagi ‘ua lelea ai i matou.
7 ‘Ua leai fo‘i sē vala‘au i lou suafa,‘ua leai sē ala mai e tāofi atu ‘iā te oe.Auā ‘ua ‘alo ou fofoga ‘iā te i matou,‘ua e liua fa‘asuāvai i matou ‘ona o a matou amio leaga.
8 A o lenei, le ALI‘I e,o oe lava lo matou Tamā.O i matou nei o le ‘omea, a o oe le Tufuga;o le galuega a ou ‘a‘ao i matou uma.
9 Le ALI‘I e, ‘aua ne‘i fa‘asilisili lou to‘asā,‘aua fo‘i ne‘i manatua a matou amio leaga e o‘o i le fa‘avavau;fa‘auta, se‘i e sisila mai, o lou nu‘u i matou uma.
10 O ou ‘a‘ai pa‘ia o le vao tu‘ufua lea;o Siona o le vao tu‘ufua lea;o Ierusalema o le mea fa‘atafunaina lea.
11 O lo matou fale pa‘ia ma le matagofiesa vivi‘i ai o matou tamā ‘iā te oe,‘ua mū lea i le afi;o a matou mea fa‘afiafia uma ‘ua fa‘atafunaina ia.
12 Le ALI‘I e, ‘e te tāofi ‘ea lou to‘asā i ia mea?‘E te lē fetalai ‘ea?‘E te matuā fa‘atigā tele mai ‘ea ‘iā te i matou?#