1 ‘Ua ‘ou fa‘alogo atu i ē na lē fesili mai;‘ua maua a‘u e i latou na lē sā‘ili mai ‘iā te a‘u.Na ‘ou fai atu i le nu‘u na lē igoa i latou i lo‘u igoa,Fa‘auta, “O a‘u lenei!”
2 ‘Ua ‘ou fa‘aloaloa atu o‘u lima i aso umai le nu‘u finau vale,o ē sāvavali i le ala e lē lelei, e tusa ma o latou lava manatu.
3 O le nu‘u e fa‘a‘ono‘ono mai pea lava ‘iā te a‘u i o‘u luma,o lo‘o latou fai taulaga i fa‘ato‘agama latou fa‘amū mea manogi i luga o ma‘a‘omea.
4 ‘Ua latou nonofo i tu‘ugamau,‘ua ‘atoa le po o i ai i latou i mea lilo.‘Ua latou ‘a‘ai i tufa‘aga o pua‘a;o le sua fo‘i o mea leaga ‘ua ‘iā latou ipu ia.
5 O ē fai ane,“Alu ‘ese oe; ‘aua ‘e te fa‘alatalata mai ‘iā te a‘u,auā e sili ‘ona pa‘ia o a‘u ‘iā te oe.”O i latou ia o le asu i lo‘u isu;o le afi e mū i aso uma.
6 Fa‘auta, ‘ua tusia le ‘upu i o‘u luma:‘Ou te lē fa‘alologo, ‘ae peita‘i ‘ou te taui atu,‘ou te taui atu lava i o latou fatafata.
7 O a ‘outou amio leaga, fa‘atasi ma le amio leaga a o ‘outou tamā,‘ua fetalai mai ai le ALI‘I.O i latou o ē na fa‘amūina mea manogi i luga o maugama latou fāifaia a‘u i luga o mea maualuluga;‘ou te fuatia atu fo‘i a latou amioga anamua i o latou fatafata.
8 O lo‘o fa‘apea ‘ona fetalai mai o le ALI‘I:E pei ‘ona maua o le suāvine i le fuifui vine,‘ona latou fai ane lea,“‘Aua le fa‘amaumauina, auā o lo‘o i ai le manuia.”E fa‘apea ‘ona ‘ou faia ‘ona o a‘u ‘au‘auna,e lē fa‘amaumauina i latou uma.
9 ‘Ou te fa‘atupuina fo‘i le fānau ‘iā Iakopo,mai ‘iā Iuta fo‘i lē na te fai mōna o‘u mauga.O ē na filifilia e a‘u latou te fai ia mo latou;o a‘u ‘au‘auna fo‘i latou te nonofo ai.
10 E faia Sarona ma lotoā o lafu mamoema le vanu o Akori e faia lea ma mea e ta‘o‘oto ai lafu manu,mo lo‘u nu‘u o ē na sā‘ili mai ‘iā te a‘u.
11 A o ‘outou o ē lafoa‘i i le ALI‘I,ma fa‘agalogalo i lo‘u mauga pa‘ia.O ē laulau le ‘ai mo Katoma fa‘atumu le taulaga i mea e inu mo Meni.
12 ‘Ou te faitauina atu ‘outou mo le pelu,tou te punonou uma lava ‘ia fasia.Auā na ‘ou vala‘au, a ‘ua ‘outou le tali mai;na ‘ou fai atu, a ‘ua ‘outou lē fa‘alogo mai.‘Ua ‘outou faia fo‘i le mea ‘ua leaga ‘iā te a‘uma ‘outou filifilia le mea ‘ou te lē fiafia i ai.
13 O le mea lea, o lo‘o fa‘apea ‘ona fetalai mai ai o le Ali‘i le ATUA,Fa‘auta mai, e ‘a‘ai a‘u ‘au‘auna,a o ‘outou tou te fia ‘a‘ai.Fa‘auta, e feinu a‘u ‘au‘auna,a o ‘outou tou te fia inu.Fa‘auta, e ‘oli‘oli a‘u ‘au‘auna,a o ‘outou tou te mamā.
14 Fa‘auta e ‘alalaga a‘u ‘au‘auna ‘ona o le loto fiafia,a o ‘outou tou te fa‘ataiō ‘ona o le loto tigā,ma ‘outou uiō ‘ona o le loto momomo.
15 E tu‘u fo‘i o ‘outou igoa e fai a‘i fetu‘u a ē ‘ua filifilia e a‘u.E fasiotia fo‘i ‘outou e le Ali‘i le ATUA;‘ae fa‘aigoa e ia o ana ‘au‘auna i se tasi igoa.
16 O lē fa‘amanuia o ia e ia i le nu‘una te fa‘amanuia o ia ‘iā te ia i le Atua e fa‘amaoni;ma lē na te tautō i le nu‘u e tautō o ia i le Atua e fa‘amaoni.Auā ‘ua galo mua‘i puapuagā,auā fo‘i ‘ua lilo ia mea ‘iā te a‘u.
17 Auā fa‘auta mai,‘ou te faia le lagi fou ma le lalolagi fou.E lē toe manatua mea na muamua,e lē alu a‘e fo‘i i le loto.
18 ‘Ae peita‘i ‘ia ‘outou ‘oli‘olima fiafia e fa‘avavau i le mea ‘ou te faia.Auā fa‘auta, ‘ou te faia Ierusalema ma fa‘afiafia,‘ou te faia fo‘i lona nu‘u ma fa‘a‘oli‘oli.
19 ‘Ou te fiafia fo‘i i Ierusalema ma a‘u ‘oli‘oli i lo‘u nu‘u;e lē toe lagona ai le leo o sē tagi ma le leo o sē ‘alaga.
20 E lē toe i ai i lea mea le tama meamea,po o le toeaina ‘ua lē ‘ato‘atoa ona aso.Auā e oti le taule‘ale‘a ‘ua selau ona tausaga;a o lē ‘ua agasala ‘ua selau ona tausaga, e fetu‘uina o ia.
21 Latou te faia fale ma latou mau ai;latou te totō tōvine ma latou ‘a‘ai i o latou fua.
22 Latou te lē fai fale ‘ina ‘ia mau ai nisi;latou te lē totō ‘ina ‘ia ‘ai ai nisi.Auā e pei o aso o le la‘au aso o lo‘u nu‘u;e uma lava i ē ‘ua filifilia e a‘u o mea na faia e o latou lima.
23 Latou te lē galulue fua, latou te fānanau,‘ae lē tupu ai le atuatuvale.Auā o le fānau ‘ua fa‘amanuia e le ALI‘I i latou,‘atoa ma i latou e tutupu mai ‘iā te i latou.
24 A o le‘i vala‘au lava i latou,‘ou te tali atu.A o tautala mai i latou,‘ou te fa‘alogo atu lava.
25 E ‘a‘ai fa‘atasi le luko ma le tama‘i mamoe,e ‘aina ‘au o saito e le leona e pei o le povi.A o le gata e fai māna mea e ‘ai le efuefu;latou te lē faia se mea leaga,latou te lē fa‘aumatia fo‘i se mea i lo‘u mauga pa‘ia uma lava,‘ua fetalai mai ai le ALI‘I.#