26 E ‘avea fo‘i le malamalama o le masina e pei o le malamalama o le lā; o le malamalama o le lā e sautuafitu ia e pei o le malamalama o aso e fitu, i le aso e fusi ai e le ALI‘I le gau o lona nu‘u ma fofōina ai le manu‘a e manunu‘a ai i latou.
27 Fa‘auta, o lo‘o afio mai le suafa o le ALI‘I mai le mea mamao;o lo‘o mū lona to‘asā, e tele fo‘i le mū;‘ua tūtūmu ona laufofoga i le to‘atama‘i;o lona laulaufaiva fo‘i, ‘ua peiseaī se afi e ‘ai tele.
28 O lona mānava fo‘i e pei o se vaitafe ‘ua oso;e o‘o i le ua, e lūlū ai nu‘u ‘ese i le lūlū e fano ai;e i ai fo‘i i le gutu o le nu‘u le fa‘agutu e fa‘asesē ai.
29 E ‘iā te ‘outou le pese, e pei ‘ona fai i le po e fai ai le tausamiga pa‘ia; e fiafia fo‘i loto e pei o lē ‘ua ili fano lana fagufagu e o‘o atu i le mauga o le ALI‘I, o le Papa o Isaraelu.
30 E fa‘afa‘alogoina e le ALI‘I lona si‘ufofoga silisili, e fa‘aali fo‘i e ia le fa‘apa‘ū ifo o lona ‘a‘ao ma le tele o lona to‘asā ma le mū o le afi ‘ai tele, o le lolo, ma le afā ma le uato‘a.
31 Auā o le si‘ufofoga o le ALI‘I e lafoia ai Asuria, na te taia o ia i le to‘oto‘o.
32 O mea uma fo‘i e ui ane ai le sasa ‘ua tofia, e fa‘atumauina ai e le ALI‘I i o latou luga, e faia ia ma topa ma kitara; e si‘i atu e ia le tau‘a ‘iā te i latou, o tau‘a e lūlūina ai.