10 Auā e sefulu ekere o le tōvinee fua mai ai le paita e tasi,o le somera o saito fo‘i, e fua mai ai le efa.
11 ‘Oi talofa ‘iā te i latou o ē ala usu e matuā sā‘ili ‘ava,ma ‘ua nonofo pea ‘ua o‘o i le po,se‘ia fa‘avalemalolosi ai i latou i le uaina.
12 O lo‘o i ai ‘iā latou faigā‘ai o le kitarama le napeli ma le topa,o le fagufagu fo‘i, ‘atoa ma le uaina;a ‘ua latou le mafaufau i le galuega a le ALI‘I,‘ua latou le va‘ai fo‘i i mea ‘ua faia e ona ‘a‘ao.
13 O le mea lea ‘ua ‘ave ai lo‘u nu‘u fa‘atagataotau‘a,‘ina ‘ua vālelea i latou;o latou ali‘i fo‘i ‘ua oge i latouma le to‘atele o le nu‘u ‘ua lailoa i le fia inu.
14 O le mea lea ‘ua fa‘alauteleina ai seoli o ia e ia,‘ua matuā fa‘amaga tele lava lona gutu,‘ua ō ifo ai o latou ali‘i ma le to‘atele o le nu‘u,o le vao tagata fo‘i ‘ua pisapisaō ai,‘atoa ma lē ‘ua mitamita ‘iā te ia.
15 ‘Ua lafotūina le tagata nu‘u,‘ua fa‘amaulaloina le ali‘i,‘ua fa‘amaulaloina fo‘i mata o ē fa‘amaualuluga.
16 A o le ALI‘I o ‘au e vi‘ia o ia ‘ona o le fa‘amasinoga,o le Atua pa‘ia fo‘i e ta‘upa‘iaina o ia‘ona o le amiotonu.