14 Akavatungamirira negore masikati, uye nechiedza chomoto usiku hwose.
15 Akapamura ruware mugwenga akavapa mvura yakawanda seyamakungwa;
16 akabudisa hova dzemvura paruware akaita kuti iyerere seyenzizi.
17 Asi vakaramba vachingomutadzira, vachimukira Wokumusoro-soro mugwenga.
18 Vakaedza Mwari nobwoni vachimugombedzera kuti avape zvokudya zvavaipanga.
19 Vakapopotera Mwari, vachiti, “Ko, Mwari angawadzira tafura mugwenga here?
20 Paakarova dombo, mvura yakatubuka, uye hova dzakayerera mvura zhinji. Asi angagona kutipawo zvokudya here? Angavigira vanhu vake nyama here?”