15 И повторно дојде глас кон него: „Она што Бог го очистил, ти не го сметај за нечисто!“
16 Тоа се повтори трипати, а садот пак се крена кон небото.
17 И додека Петар беше во недоумица што значи тоа видение што го виде, ете ги луѓето, испратени од Корнилиј, кои откако се распрашаа и го најдоа домот на Симон, застанаа пред портата.
18 Тогаш повикаа и прашаа: „Овде ли гостува Симон, наречен Петар?“
19 И додека Петар размислуваше за видението, Духот му рече: „Ете, те бараат тројца луѓе.
20 Туку стани, слези и оди со нив, не размислувајќи ништо; зашто Јас ги пратив!“
21 Штом слезе кај луѓето, испратени од Корнилиј кај него, Петар рече: „Јас сум тој, кого го барате. Зошто сте дошле?“