11 Тогаш Господ му рече: „Стани и оди во улицата што се вика Права, и во домот Јудин побарај го човекот од Тарс, по име Савле; ете, тој сега се моли.“
12 И во видение виде еден човек, по име Ананија, како му пријдува и полага раце над него, за да може да прогледа.
13 А Ананија одговори: „Господи, од мнозина сум слушал за тој човек колку зло им правел на Твоите светии во Ерусалим;
14 а тој и овде има овластување од првосвештениците да ги врзува сите што го повикуваат името Твое.“
15 Но Господ му рече: „Оди, зашто тој ми е избран сад, за да го изнесе името Мое пред народи и цареви и синовите Израилеви.
16 И Јас ќе му покажам колку треба тој да пострада заради името Мое.“
17 А Ананија отиде и влезе во куќата и, откако ги положи рацете свои над него, рече: „Брате Савле, Господ Исус, Кој ти се јави по патот, по кој доаѓаше, ме прати за да прогледаш и да се исполниш со Дух Свети.“