1 ‘Ona tali mai ai lea o Sofara le Naama, ‘ua fa‘apea mai:
2 “A lē talia ‘ea ‘upu ‘ua tele?pe ta‘uamiotonuina ‘ea le tagata tautala so‘o?
3 O lou tautala fa‘alētatau e fa‘alologo ai ‘ea tagata?‘e te tauemu mai ‘ea, ‘ae leai se tasi e fa‘amāina atu oe?
4 Sa e fa‘apea mai:‘‘Ua tonu la‘u matā‘upu, ‘ou te mamā fo‘i a‘u i ou luma.’
5 ‘Ae peita‘i, e lelei pe a tulei mai le si‘ufofoga o le Atua,ma fetalai mai o ia ‘iā te oe.
6 E fa‘aali mai e ia ‘iā te oe mea lilo o le poto,auā ‘ua sili lava i mea ‘ua fa‘ailoa mai,‘ona iloa ai lea e oe ‘ua fa‘agalogaloina e le Atua mo oe o isi au agasala.
7 “O le su‘esu‘e ‘e te maua ai ‘ea le Atua?‘e te maua ‘ato‘atoa ai ‘ea Lē e ona le malosi uma lava?
8 ‘Ua maualuga i le lagi; se a se mea ‘e te faia?‘Ua sili ‘ona loloto i seoli; se a se mea ‘e te iloa ai?
9 O lona umi ‘ua sili lea i le lalolagi,‘ua sili fo‘i lona lautele i le sami.
10 ‘Āfai e oso mai o ia ma puipui mai ma fa‘apotopoto mai,po o ai ‘ea na te fa‘afo‘i ‘iā te ia?
11 Auā ‘ua silafia e ia tagata amio leaga;‘ua silasila mai fo‘i o ia i le agasala,pe na te lē mafaufau fo‘i ‘ea i ai?
12 ‘Ae leai se atamai i le tagata valea,a ‘ua fānau le tagata ‘ua tusa ma le tama‘i asini o le vao.
13 “‘Āfai ‘e te saunia lou loto,ma fa‘aloaloa atu ou lima ‘iā te ia.
14 ‘Āfai ‘ua i lou lima se amioletonu, ‘ia e ‘avemamaoina;‘aua ne‘i tumau pea le agasala i ou fale ‘ie.
15 ‘Ona ea ai lea i luga o ou mata e leai se mea e ponā ai;‘e te fa‘amalosi fo‘i ma e lē fefe lava.
16 Auā e galo ‘iā te oe le puapuagā,‘e te manatua fo‘i e pei o le vai ‘ua tafe atu.
17 E o‘o mai fo‘i ou aso e sili ‘ona malamalama i le aoauli;‘ua e i ai nei i le pouliuli, ‘ae ‘avea oe e pei o le taeao.
18 E fai sou fa‘atuatua, auā o lo‘o i ai le fa‘amoemoe;o lo‘o e mā nei oe, a ‘e te ta‘oto ma le filemū.
19 ‘E te ta‘oto fo‘i, ‘ae leai sē na te fa‘amata‘u mai;e to‘atele fo‘i o ē ole atu ‘iā te oe.