1 ‘Ona tali atu lea o Iopu, ‘ua fa‘apea atu,
2 “‘Ua ‘ou iloa e moni lava, o lo‘o fa‘apea;‘ae fa‘apefea ‘ona amiotonu o le tagata i luma o le Atua?
3 ‘Āfai e finagalo o ia ‘ona finau ma ia,e lē mafai ‘ona tali atu o ia ‘iā te ia se ‘upu e tasi i le afe o ‘upu.
4 E poto lona finagalo, e malosi fo‘i lona mana.Po o ai ‘ea sē ‘ua fa‘ama‘a‘a lona lotoe tete‘e atu ‘iā te ia ‘ae sao ai.
5 O lē na te si‘itia mauga, ‘ae le‘i iloa e i latou,o lē na te fulisia i latou i lona to‘asā.
6 O lē ‘ua lūlū‘eseina le lalolagi i le mea sa i ai,ona gagau ai lea o ona pou tu.
7 O lē fetalai atu i le lā, ‘ona lē alu a‘e ai lea,ma na fa‘amaufa‘ailogaina fetū.
8 O lē fofola le lagi, na o ia lava,ma savali atu i luga o peau o le sami.
9 O lē na faia Asa ma Kisila ma Kima,‘atoa ma ana o i le itū i saute.
10 O lē ‘ua faia mea tetele e lē masu‘esu‘eina,ma vāvega e lē mafai ‘ona faitaulia.
11 Fa‘auta, ‘ua afio ane o ia i o‘u luma, a ‘ou te lē iloa o ia;‘ua afio atu fo‘i o ia, a ‘ou te lē iloa o ia.
12 Fa‘auta, e faoa e ia, po o ai ‘ea sē fa‘afo‘i atu ‘iā te ia?po o ai ‘ea e fai atu ‘iā te ia, ‘O le a ‘ea le mea ‘ua e faia?’
13 “E lē fa‘afoisia e le Atua lona to‘asā;e ifo i lalo ‘iā te ia o fesoasoani fa‘amaualuga.
14 ‘Ae fa‘apefea a‘u nei ‘ona ‘ou tali atu ‘iā te ia,ma a‘u filifilia ni ‘upu e fai atu ‘iā te ia?
15 ‘Ana ‘ou amiotonu po ‘ua ‘ou lē tali atu ‘iā te ia,‘ae fa‘atoga atu i lo‘u fa‘amasino.
16 ‘Ana ‘ou vala‘au atu ma ‘ua tali mai o ia ‘iā te a‘u,‘ua ‘ou lē manatu ‘ua fa‘afofogaina mai e ia lo‘u leo.
17 Auā na te tu‘imomomoina a‘u i le afā,ma fa‘ateleina fua ‘ou manu‘a.
18 Na te lē tu‘uina mai a‘u, se‘ia ‘ou mānava ifo,a ‘ua na fa‘amā‘onaina mai a‘u i mea ‘o‘ona.
19 ‘Āfai ‘ou te tautala i le malosi,fa‘auta mai, ‘ua malosi lava o ia.‘Āfai fo‘i ‘ou te tautala i le fa‘amasinoga,o ai ‘ea sē na te ‘atofaina se aso mo a‘u?
20 ‘Āfai ‘ou te ta‘uamiotonuina a‘u e a‘u,e fa‘asalaina a‘u i lo‘u lava gutu.‘Āfai ‘ou te fai atu, ‘ua sa‘o la‘u nei amio,e ta‘ua ai a‘u o le fa‘api‘opi‘o.
21 ‘Āfai ‘ou te fai atu, o a‘u nei ‘ua sa‘o,‘ou te lē iloa ai lo‘u agaga, ‘ou te ‘ino‘ino i lo‘u ola.
22 E tasi lea mea, o le mea lea na ‘ou fai atu ai,o lo‘o fa‘aumatia e ia o lē ‘ua sa‘o lana amio‘atoa ma lē ‘ua amio leaga.
23 ‘Āfai e fasioti fa‘afuase‘i le sasa,e ‘ata ai o ia i le tofotofoga o ē ‘ua lē sala.
24 ‘Ua tu‘uina mai le lalolagi i le lima o lē amio leaga;e ufitia e ia o mata o fa‘amasino o i ai.‘Āfai ‘ua lē fa‘apea, po o fea o i ai o ia?po o ai ‘ea o ia?
25 “‘Ua tele vavave o‘u aso e sili i lē ‘ua momo‘e;‘ua mavae atu ia ma le lē iloa se mea lelei.
26 ‘Ua mavae atu e pei o va‘a tele vavave;e pei o le aeto fo‘i ‘ua lele tele vave i lana mea e ‘ai.
27 ‘Āfai ‘ou te fai atu, ‘‘Ou te fa‘agalogaloina lo‘u tagi,‘ou te lē toe mata fa‘anoanoa,‘ae ‘ou te mata fiafia.’
28 ‘Ua ‘ou fefe i ‘ou tigā uma,‘ua ‘ou iloa, ‘e te lē ta‘usa‘oina a‘u.
29 ‘Ua ‘ou amio leaga,se a ‘ea le mea ‘ou te tautigā fua ai a‘u?
30 ‘Āfai ‘ou te tā‘ele i le suāvai kiona,ma ‘ou fa‘amamāina o‘u lima i le moli.
31 A ‘e te fufui ‘iā te a‘u i le lua;e fa‘a‘inosia fo‘i a‘u i ‘ou lava ‘ofu.
32 Auā e lē se tagata o ia, e pei o a‘u,‘ou te tali atu ai ‘iā te iama te ō fa‘atasi ai i le fa‘amasinoga.
33 E lē o i ai fo‘i se fa‘amasino i lo ma vā,e tago mai lona lima ‘iā te i mā‘ua.
34 ‘Ia ‘ave‘eseina e ia o lana sasa ‘iā te a‘u,‘aua ne‘i fa‘amata‘utia fo‘i a‘u i lona mata‘utia.