Iopu

O le Afioga a le Atua ‘iā Iopu

¹‘Ona tali mai ai lea o le ALI‘I ‘iā Iopu mai le afā, ‘ua fa‘apea mai: ²“O ai ‘ea lenei ‘ua na fa‘apouliuligia la‘u pule,i ‘upu e lē o i ai le poto? ³‘Inā fusi ia lou sulugātiti e pei o le tagata malosi;‘ou te fesili atu fo‘i ‘iā te oe, ‘inā e fa‘ailoa mai ia ‘iā te a‘u. ⁴“O ifea sa e i ai ‘ina o ‘ou fa‘avaeina le lalolagi?‘Inā fa‘aali mai ia pe ‘āfai ‘ua e iloa mafaufau. ⁵O ai ‘ea na ia fuafuaina ai, pe ‘āfai ‘ua e iloa?O ai fo‘i ‘ua na fa‘ata‘oto i ai le fua? ⁶‘Ua tu‘uina ‘ea ona fa‘avae i luga o le a?O ai ‘ea fo‘i na na tu‘uina ifo lona ma‘a tulimanu; ⁷‘ina o pepese fa‘atasi fetū o le taeao,ma ‘alalaga fiafia atali‘i uma o le Atua. ⁸“O ai fo‘i na ia pupuni le sami i puipui ‘ina ‘ua o‘o mai,e peiseaī na sau mai le manava? ⁹‘Ina ‘ua ‘ou faia le ao mōna ‘ofu,ma le pogisā ma mea e aui ai; ¹⁰‘ina ‘ua ‘ou tu‘u atu i ai fo‘i ona tuā‘oi,ma avane i ai fa‘amaufa‘alava ma puipui; ¹¹ma ‘ou fai atu i ai,‘‘E te o‘o mai ‘i‘inei, a ‘e te lē sopo‘ia;o ‘i‘inei fo‘i e pau mai ai ou galu fa‘amaualuluga.’ ¹²“Talu le amataga o ou aso ‘ua e pule ‘ea i le taeao?‘Ua e fa‘asino atu ‘ea i le tafa o ata le mea e aliali mai ai. ¹³‘Ina ‘ia tago atu i tulu‘iga o le lalolagi,ma ‘ia lūlū‘eseina ai o ē amio leaga? ¹⁴E liua o ia e pei o le ‘omea i le fa‘amaufa‘ailoga,‘ona latou tutū mai ai lea e pei se ‘ofu. ¹⁵E ‘ave‘esea fo‘i i ē amio leaga lo latou malamalama,‘ua gauia fo‘i le lima o lē ‘ua fa‘amaualuga. ¹⁶“‘Ua e o‘o atu ‘ea i puna o le sami?po ‘ua e fealualua‘i ‘ea i mea loloto o le moana? ¹⁷‘Ua fa‘aalia ‘ea ‘iā te oe faitoto‘a o le oti?po ‘ua e iloa ‘ea faitoto‘a o le ata o le oti? ¹⁸‘Ua e mafaufau ‘ea i le lautele o le lalolagi?‘Inā fa‘aali mai ia, pe ‘āfai na e iloa ia mea uma. ¹⁹“O ifea le ala i le mea e nofo ai le malamalama?O le pouliuli fo‘i o ifea le mea e mau ai o ia. ²⁰‘Ina ‘ia e momoli atu ai i lona tuā‘oi,‘ina ‘ia e iloa fo‘i le ala i lona fale? ²¹‘Ua e iloa ‘ea ia mea ‘ina ‘ua fānau mai oe i ia ona po,‘ina ‘ua tele fo‘i le faitau o ou aso? ²²“‘Ua e ulu atu ‘ea i mea e teu ai le kiona?‘ua e va‘aia ‘ea fo‘i mea e teu ai le uato‘a? ²³O mea ia ‘ua ‘ou tu‘u ma ona po o le puapuagā,ma le aso e tau ai le tau‘a. ²⁴O ifea le ala e vaevaeina atu ai le malamalama,e fa‘asalalauina ai le matagi mai sasa‘e i luga o le lalolagi? ²⁵“O ai ‘ua vaevaeina o alāvai mo uaga,ma le ala mo le uila o le faititili? ²⁶‘Ina ‘ia tō mai le ua i le lau‘ele‘ele,e lē o i ai se tagata; ma le vao, e lē ‘ainā e tagata, ²⁷‘ina ‘ia mālie ai le mea ‘ua ta‘aligoligoa ma le mea ‘ua gaogao;‘ina ‘ia fa‘atupuina ai fo‘i le vao iti. ²⁸“E i ai ‘ea se tamā o le timu?po o ai ‘ua fānaua le suāsau? ²⁹E sau ‘ea le vaito‘a mai le manava o ai?O le sauto‘a fo‘i mai le lagi o ai ‘ea na na fānaua? ³⁰‘Ua ufitia le vai e peiseaī se ma‘a,‘ua to‘a fo‘i le fogātai. ³¹“‘E te mafai ‘ea ‘ona nonoa i noataga o Kima?Pe ‘e te mafaia fo‘i ‘ona tatala i fusi o Kisila? ³²‘E te mafaia ‘ea ‘ona fa‘ao‘oina mai o Masarota i ona lava po?Pe ‘e te mafaia fo‘i ‘ona ta‘ita‘iina o Asa fa‘atasi ma lana fānau? ³³‘Ua e iloa ‘ea tulafono i le lagi?Pe na e tu‘uina atu ‘ea lana pule i le lalolagi? ³⁴“‘E te mafaia ‘ea ‘ona fa‘ao‘oina atu lou leo i ao,‘ia lofia ai oe i vai e tele? ³⁵‘E te mafaia ‘ea ‘ona ‘a‘auina atu o uila,latou te ō ai ma latou fai mai ‘iā te oe,‘Fa‘auta, o i matou nei?’ ³⁶O ai ‘ea ‘ua tu‘uina atu le poto i totonu o le tagata?Po ai fo‘i ‘ua na avatu le mafaufau i le loto? ³⁷O ai na te mafaia ‘ona faitau o ao i lona poto?Po ai fo‘i na te mafaia ‘ona liligi ifo o fagu o le lagi, ³⁸pe a liu palapala le efuefuma ‘ua pipi‘i fa‘atasi le ‘ele‘ele? ³⁹“‘E te mafaia ‘ea ‘ona tuli o se manu ‘ia saeia mā le leona?pe ‘e te fa‘amā‘o‘ona i leona ta‘anoa, ⁴⁰a o latou fa‘apuga i o latou ana,ma nofo lamalama i mea latou te fale ai? ⁴¹O ai ‘ea na te sauni mā le oreva lana mea e ‘ai,pe a fētāgisi atu ana tama i le Atua,a o sē i latou ‘ina ‘ua leai se mea e ‘ai?