1 ‘Ua tali mai pea Eliu, ‘ua fa‘apea mai,
2 “‘E te manatu ‘ea ‘ua tonu lenei mea, ‘ina ‘ua e fai mai,‘E sili la‘u amiotonu i lo le Atua?’
3 Auā ‘ua e fai mai, ‘Se a le aogā ‘iā te oe?Se a fo‘i le aogā ‘iā te a‘u pe a leai sa‘u agasala?’
4 ‘Ou te tali atu ‘iā te oe,‘atoa ma a‘u uō fa‘atasi ma oe.
5 ‘Ia e tepa a‘e i le lagi, ma ‘ia e va‘ai;‘ia e matamata fo‘i i ao ‘ua maualuga lava i ou luga.
6 ‘Āfai ‘ua e agasala, se a se mea ‘ua e fai ‘iā te ia?‘Āfai fo‘i ‘ua fa‘ateleina ou solitulafono,se a se mea ‘ua e fai ‘iā te ia?
7 ‘Āfai ‘ua e amiotonu, se a se mea ‘ua e avatua ‘iā te ia?Se a fo‘i se mea ‘ua ia maua mai lou lima?
8 Ai e leaga le tagata e pei o oe i lau amio leaga;ai e aogā fo‘i i le tagata o lau amiotonu.
9 “O le tele o sauāga ‘ua ‘alalaga ai tagata;‘ua uiō i latou ‘ona o le lima o ē malolosi.
10 ‘Ae leai sē na te fai mai,‘Po o ifea o i ai le Atua o lē na faia a‘u?O lē ‘ua ‘aumai pese i le po.
11 O lē a‘oa‘o mai ‘iā te i tatou e sili i manu e tata‘a,ma na fa‘apopotoina i tatou e sili i manu felelei.’
12 ‘Ua latou ‘alalaga ai, ‘ae lē tali atu o ia,‘ona o le fa‘amaualuga o ē amio leaga.
13 E lē fa‘afofogaina lava e le Atua le tatalo fa‘atauva‘a;e lē silasila fo‘i i ai Lē e ona le malosi uma lava.
14 E ui lava ‘ina e fai mai ‘e te lē iloa atu o ia,‘ae ‘iā te ia le fa‘amasinoga;o lea ‘ia e fa‘atalitali ai ‘iā te ia.
15 A o lenei, ‘ina ‘ua lē asiasi mai lona to‘asā,ma ‘ua lē silasila o ia i le agasala e matuā tele lava.