7 O ai ‘ea se tagata e tusa ma Iopu,o lē ‘ua inu i le fāifāiga e pei ‘ona inu i le vai.
8 O lē ‘ua fefa‘auōa‘i fo‘i ma i latou ‘ua fai amioletonu,ma feoa‘i ma tagata amio leaga.
9 Auā, ‘ua ia fai mai,‘E lē aogā i le tagata ‘ona ia fiafia o ia i le Atua.’
10 “O lenei, tagata atamamai e, fa‘afogafoga mai ia ‘iā te a‘u;e mamao ma le Atua ‘ona ia amio leaga,ma Lē e ona le malosi uma lava ‘ona ia amioletonu.
11 Auā e taui atu e ia i le tagata lana lava galuega;na te fa‘atatau fo‘i i tagata ta‘ito‘atasi e tusa ma lona ala.
12 E moni lava e lē amioleaga le Atua,e lē fa‘api‘opi‘oina fo‘i e Lē e ona le malosi uma lava le fa‘amasinoga.
13 O ai ‘ea ‘ua tofia o ia e pule i le lalolagi?Po o ai fo‘i na saunia le atu laulau uma lava?