17 O ona po e māui ai, e mamate ai lava;pe a velasia, ‘ona pe ai lea i mea sa i ai.
18 ‘Ua pei i latou o le malaga ‘ua sesē i le ala,‘ua ō a‘e i le vao, ‘ona fano ai lea o i latou.
19 Na va‘ava‘ai atu le ‘au malaga a sa Temā,na fa‘amoemoe i ai le ‘au malaga a Seepa.
20 Na māsiasi i latou, auā na latou fa‘atuatua i ai,na o‘o atu i ai, ‘ona latou femēmēa‘i ai lea.
21 Auā ‘ua ‘avea nei ‘outou e pei o ia mea;‘ua va‘ava‘ai mai ‘outou i lo‘u malaia ma ‘outou fefefe ai.
22 Pe na ‘ou fai atu ‘ea, ‘‘Ia ‘outou ‘aumaia se mea ‘iā te a‘u?’pe, ‘‘Aumai ia se mea alofa ‘iā te a‘u ai a ‘outou ‘oloa?’
23 pe, ‘Lavea‘i mai ia ‘iā te a‘u a‘i le lima o lē ‘ua ita mai?’pe, ‘Fa‘aola mai ia ‘outou ‘iā te a‘u a‘i lima o ē ‘ua fa‘asauā?’