5 Sa pagtatagumpay mo kami ay sisigaw sa kagalakan,at magdiriwang na nagpupuri sa ating Dios.Ibigay nawa ng Panginoon ang lahat mong kahilingan.
6 Ngayon ay alam kong ang Dios ang nagbibigay ng tagumpay sa haring kanyang hinirang,at sinasagot niya mula sa banal na langit ang kanyang dalangin,at lagi niyang pinagtatagumpay sa pamamagitan ng kanyang kapangyarihan.
7 May mga umaasa sa kanilang mga kabayo at karwaheng pandigma,ngunit kami ay umaasa sa Panginoon naming Dios.
8 Silaʼy manghihina at tuluyang babagsak,ngunit kami ay magiging matatag at magtatagumpay.
9 Panginoon, pagtagumpayin nʼyo ang hinirang nʼyong hari.At sagutin nʼyo kami kapag kami ay tumawag sa inyo.