8 Kwakhona umtyholi wasa uYesu entabeni ephakame kakhulu, wambonisa onke amazwe ezikumkani zehlabathi, nobuhle bazo,
9 wathi kuye: “Zonke ezi zinto ndokunika, ukuba uthe wazithoba wandinqula.”
10 Waza wathi kuye uYesu: “Hamb' umke, Sathana; kuba iziBhalo zithi: ‘Uze unqule iNkosi uThixo wakho, ukhonze yona yodwa.’”
11 Waza umtyholi wamyeka uYesu, zafika izithunywa zezulu zamlungiselela.
12 Ke uYesu akuva ukuba uYohane ubanjiwe, wahamba waya kwelaseGalili.
13 Wemka ke eNazarete, wafudukela eKapernahum ngaselwandle, emideni yakwaZebhulon neyakwaNafetali.
14 Kwazaliseka ke ngoko okwathethwayo *ngumshumayeli uIsaya esithi: