1 O le afioga na o‘o mai ‘iā Ieremia mai le ALI‘I, ‘ua fa‘apea mai:
2 “‘Inā tula‘i ia ma alu ifo i le fale o le fai ipu ‘omea, ‘ona ‘ou fa‘ailoa atu ai lea ‘iā te oe i lea mea o a‘u ‘upu.”
3 ‘Ona ‘ou alu ifo ai lea i le fale o le fai ipu ‘omea, fa‘auta fo‘i, o fai e ia lana galuega i luga o mea ta‘avilivili.
4 ‘Ua leaga le ipu na ia faia i le ‘omea i le lima o le fai ipu ‘omea; ‘ona toe fai ai lea e ia o le tasi ipu e tusa ma le manatu o le fai ipu ‘omea ‘ona fai.
5 ‘Ona o‘o mai lea o le afioga a le ALI‘I ‘iā te a‘u, ‘ua fa‘apea mai: