1 O le afioga a le ALI‘I na o‘o mai ‘iā Ieremia le perofeta ‘iā Filisitia, a o le‘i fasia Kasa e Farao.
2 O lo‘o fa‘apea ‘ona fetalai mai o le ALI‘I:Fa‘auta, e oso mai le vai mai le itū i matū,e fai fo‘i ma vaitafe e lofia ai.E lofia ai le nu‘u ma mea ‘ua tumu ai,o le ‘a‘ai fo‘i ma ē o nonofo ai;‘ona ‘alalaga ai lea o tagatama uiō ‘atoa uma o ē nonofo i le nu‘u.
3 ‘Ona o le pa‘ō o le pāūū o atigivae,o ona solofanua malolosi ma le osooso,o ona kariota ma le ta‘alili o ana mea ta‘avavale.E le tetepa i tua o tamā ‘iā latou fānau,auā e vaivai o latou lima.
4 ‘Ona o le aso o le a o‘o mai e fa‘atafunaina ai Filisitia uma,e vavae‘eseina fesoasoani uma ‘ua totoe i Turo ma Saitonu.Auā e fa‘atafunaina e le ALI‘I o Filisitia,o ē ‘ua totoe o le nu‘u tuloto o Kafetori.
5 ‘Ua selemamāina ulu o ē i Kasa;‘ua fa‘aumatia Asekelona ma ē o totoe i lo latou vanu;‘e te selei ‘ea ‘iā te oe se‘ia afea?
6 Auē! le pelu a le ALI‘I e,‘e te lē mapu ‘ea se‘ia afea?‘Ia e fo‘i atu i lou fa‘amoega,‘inā mālōlō ia, ma ‘ia e alāla.
7 Pe fa‘apefea ‘ona e mapu?auā o le ALI‘I ‘ua ia fai atu i ai e tau,ma Asekelona ma nu‘u tu matāfaga,‘ua ia totofi i ai i lea mea.