1 Isaraelu e,‘āfai ‘e te fia fo‘i mai, ‘inā fo‘i mai ia ‘iā te a‘u,o lo‘o fetalai mai ai le ALI‘I;‘Āfai fo‘i ‘e te tu‘u‘esea au mea e ‘inosia i o‘u luma,‘ona e lē ta‘asē lava lea;
2 ‘e te tautō fo‘i i le fa‘amaoni ma le amio sa‘o,ma le amiotonu, “O lo‘o soifua le ALI‘I!”O nu‘u ‘ese fo‘i e ta‘u‘amu‘iaina i latou e i latouma ‘ua latou mitamita ‘ona o ia.
3 Auā o lo‘o fa‘apea ‘ona fetalai mai o le ALI‘I i tagata o Iuta ma Ierusalema:‘Inā suatia ia lo ‘outou fanua vaoa,‘aua fo‘i ne‘i lūlū a ‘outou saito i la‘au tuitui.
4 ‘Ia fa‘aperitomeina ‘outou mo le ALI‘Ima ‘ave ‘ese le pa‘u o ‘outou loto,‘outou tagata o Iuta ma ē o nonofo i Ierusalema;ne‘i alu atu lo‘u ita e pei o le afi,ne‘i mū fo‘i ‘ae lē matineia e se tasi,‘ona o le leaga o a ‘outou amioga.
5 ‘Ia ‘outou ta‘u atu i Iuta ma ‘ia ‘outou fa‘ailoa atu i Ierusalema; ‘ia fa‘apea atu:‘Ia ilia le pū i le nu‘u, ‘ia ‘alalaga tele ma fai atu ai,“‘Inā fa‘apotopoto mai ia, se‘i tatou ō atu ia i ‘a‘ai nofo ‘olo.”
6 ‘Ia fa‘atūina le tagāvai i Siona;‘ia ‘outou sōsōla, ‘aua ne‘i tutū mai;auā o a‘u ‘ou te ‘aumaia le malaia mai le itū i matū ma le olopalaga e tele.
7 ‘Ua alu a‘e le leona a‘i le vao filifili na i ai,o lo‘o fa‘asaga mai fo‘i lē na te fa‘aumatia nu‘u ‘ese.O lo‘o sau ia a‘i le mea sa i ai e fa‘atafunaina lou nu‘u;e fai ma mea tu‘ufua ou ‘a‘ai, e leai sē nofo ai.
8 ‘Ia ‘outou fusi ‘iā te ‘outou i ‘ie talatala ‘ona o lea mea,ma taufaitagitu‘i, ma uiō.“Auā e le liliu‘eseina ‘iā te i tatou le to‘asā tele o le ALI‘I.”
9 O lo‘o fetalai mai le ALI‘I, o lea aso e matuā vaivai ai le loto o le tupu ma loto o ali‘i; e segia fo‘i mauli o ositaulaga ma femēmēa‘i perofeta.
10 ‘Ona ‘ou fai atu lea, “Auē! le Ali‘i e, le ATUA, e moni, ‘ua e matuā ‘olegia lenei nu‘u ma Ierusalema, ‘ua fa‘apea mai, ‘E ‘iā te ‘outou le filemū,’ a ‘ua o‘o lava le pelu i le loto.”
11 O ia ona po e fai mai ai i lenei nu‘u ma Ierusalema, O le matagi vevela i mauga tula i le vao, i le ala o le tama fafine a lo‘u nu‘u, ‘ae lē se matagi e fa‘asavili a‘i saito pe fa‘amamā a‘i;
12 e o‘o mai ‘iā te a‘u le matagi e sili ‘ona tele i ia matagi; o lenei fo‘i, ‘ou te fa‘asala ‘iā te i latou.
13 Fa‘auta, e alu a‘e o ia e pei o aoma ona kariota e pei o le asiosio;e sili ‘ona tele vavave o ana solofanua i aeto;o i talofa ‘iā te i tatou! auā ‘ua fa‘atafunaina i tatou.
14 Ierusalema e, ‘inā fufulu ia lou loto a‘i le leaga,‘ina ‘ia fa‘aolaina oe;pe tumau se‘ia afea ou mafaufauga leaga i totonu ‘iā te oe?
15 Auā ‘ua fai mai le leo o le tasi mai Tanu,‘ua fa‘ailoa mai fo‘i le malaia mai le mauga o Efaraima.
16 ‘Ia ‘outou fai atu i nu‘u ‘ese;“Fa‘auta o lenei latou,”‘ia ‘outou fa‘ailoa atu ‘iā Ierusalema;“O lo‘o ō mai mai le nu‘u mamao,o ē vagaia o ia, latou te ‘alalaga fo‘i i ‘a‘ai o Iuta.
17 Latou te si‘osi‘oina o ia e pei o ē leoleo fanua;auā ‘ua ia fouvale ‘iā te a‘u,o lo‘o fetalai mai ai le ALI‘I.
18 O lou ala ma au amioga ‘ua o‘o mai ai ia mea ‘iā te oe;o lau amio leaga lenei.Auā o le mea ‘o‘ona lea,‘ua o‘o lava i lou loto.”
19 Lo‘u manava e, lo‘u manava e!‘Ua tigā lo‘u loto i totonu ‘iā te a‘u;‘ua tagi lo‘u loto;‘ou te lē mafa‘alologo;auā lo‘u agaga e,‘ua e fa‘alogo i le leo o le pūma le vāvāō o le tau‘a.
20 ‘Ua ‘alalaga mai, o lea mea ‘ua osofā‘ia ma lea mea ‘ua osofā‘ia;auā ‘ua fa‘atafunaina le nu‘u uma.‘Ua fa‘afuase‘i ‘ona fa‘atafunaina o o‘u fale ‘iema o‘u ‘ie puipui i le ‘emo o le mata.
21 Se‘ia afea ‘ona ‘ou iloa ai le tagāvaima ‘ou fa‘alogo atu i le leo o le pū?
22 “Auā ‘ua fa‘avalelea lo‘u nu‘u; ‘ua latou lē iloa lava a‘u;o le fānau vālea lava i latou.E leai fo‘i so latou mafaufau;e popoto i latou i fai mea leaga,‘ae latou te lē iloa ‘ona fai o mea lelei.”
23 Na ‘ou va‘ai atu i nu‘u, fa‘auta, ‘ua tu‘ufua ma gaogao;na ‘ou va‘ai atu i le lagi, ‘ua leai fo‘i se malamalama.
24 Na ‘ou va‘ai atu i atu mauga, fa‘auta fo‘i,‘ua lūlūina, ‘ua fa‘agateteina fo‘i o mauga uma.
25 Na ‘ou va‘ai atu, fa‘auta fo‘i, e leai se tagata,‘ua lele ‘ese fo‘i manu felelei uma.
26 Na ‘ou va‘ai atu, fa‘auta fo‘i,o le fanua sa lafulemū ‘ua ‘avea ma vao lafuā;o ona ‘a‘ai uma fo‘i ‘ua fulisia i luma o le ALI‘I ma lona to‘asā tele.
27 Auā ‘ua fa‘apea ‘ona fetalai mai o le ALI‘I,E fa‘atafunaina le nu‘u uma, a ‘ou te lē matuā fa‘aumatia.
28 O le mea lea e fa‘anoanoa ai le nu‘u,e pouliuli ai le lagi i luga;auā ‘ua ‘ou fai ane, ‘ua ‘ou manatu lava i ai e fai,‘ou te lē salamō ai, ‘ou te lē liliu ‘ese ai.
29 E sōsōla ‘a‘ai uma ‘ona o le vāvāō o ē ti‘eti‘e i solofanuama ē fanafana i u.Latou te o i le vao matua, ma fe‘ā‘ei i luga o papa;e tu‘ua ‘a‘ai uma, e lē nofo ai fo‘i se tagata.
30 O oe na fo‘i lē ‘ua fa‘atafunaina, se a se mea ‘e te faia?E ui lava ‘ina e ‘ofu oe i ‘ofu mūmū;e ui lava ‘ina e teuteu ‘iā te oe i teuga i auro;e ui lava ‘ina māsae ou mata i le vali.‘E te fa‘alalelei fua ‘iā te oe;e ‘inosia oe e i latou sa manana‘o ‘iā te oe,latou te sā‘ili‘ili fo‘i e fasioti ‘iā te oe.
31 Auā ‘ua ‘ou fa‘alogo i le leo e pei o se fafine ‘ua fa‘atigā,o le tigā e pei o le fafine a fānau mai lana tama ulumatua.O le leo o le tama fafine a Siona;o lo‘o ga‘e ia, o lo‘o fa‘aloaloa e ia ona lima;‘ua fa‘apea ane,“Auē! talofa lava ‘iā te a‘u,auā ‘ua vaivai lo‘u loto ‘ona o ē fasioti tagata.”